Hjálpum öðrum að heiðra skapara okkar
1 Ert þú sama sinnis og sálmaritarinn þegar hann sagði: „[Jehóva], . . . hjá þér er uppspretta lífsins“? (Sálm. 36:6, 10) Hvernig getum við síðan hjálpað öðrum að meta og heiðra Jehóva sem skapara okkar? Með því að bjóða bókina Lífið — varð það til við þróun eða sköpun? í júní. Þessi bók er sannarlega framúrskarandi í því að gefa traust rök fyrir tilvist Guðs og sýnir greinilega hvers vegna þróunarkenningin fær ekki staðist. Hún byggir einnig upp traust á Biblíuna sem orð Guðs. Sannarlega viljum við að allir viti hvernig sköpun, ekki þróun, heiðrar Jehóva Guð.
2 Hér er einföld, bein kynning.
Sýndu myndina á blaðsíðu 6 og berðu fram spurninguna:
◼ „Hvernig hófst lífið hér á jörðinni? Sumir segja að það hafi allt orðið fyrir tilviljun. Biblían gefur Guði allan heiðurinn. Hvað heldur þú? [Gefðu kost á svari.] Þessi bók veitir svör sem eru í fullu samræmi við Biblíuna og vísindalegar staðreyndir. Ég vildi gjarnan að þú fengir hana til þess að þú getir skoðað staðreyndir málsins og síðan dregið eigin ályktanir.“
3 Eftir að hafa kynnt þig gætir þú sagt:
◼ „Er það raunhæft, með hliðsjón af vísindaþekkingu nútímans, að trúa á sköpun eða heldur þú að við séum til orðin fyrir tilviljun? [Gefðu kost á svari.] Taktu eftir rökum Biblíunnar um þetta. [Lestu Hebreabréfið 3:4.] Ertu ekki sammála því að sérhver bygging sé byggð af einhverjum? Gæti alheimurinn þá hafa orðið til af sjálfu sér?“ Sýndu síðan myndina á blaðsíðu 114 í Sköpunarbókinni og beindu athyglinni að því sem kemur fram í tölugrein 2 á blaðsíðu 115. Ef húsráðandinn sýnir áhuga og tekur bókina skaltu segja honum að í næstu heimsókn þinni ætlir þú að ræða um spurninguna: Hver er framtíð mannsins á jörðinni?
4 Þú gætir líka sagt:
◼ „Hvernig heldur þú að forfeður okkar hafi litið út? [Gefðu kost á svari.] Litu þeir út eins og þessi ‚apamaður‘? [Flettu upp á blaðsíðu 83 í Sköpunarbókinni.] Taktu eftir því sem Biblían segir í Postulasögunni 17:26. [Lestu.] Á hverju eru þá teikningar af „apamönnum“ byggðar?“ Beindu athyglinni að myndtextanum á blaðsíðu 89. Segðu hússráðandanum að hann geti haft gagn af að lesa bókina og fræðast um svarið við þessari spurningu.
5 Önnur leið er að benda á kápu „Sköpunarbókarinnar“ og segja:
◼ “Í dag erum við að spyrja fólk: Varð maðurinn til við þróun eða sköpun? Hvað álítur þú? [Gefðu kost á svari.] Þó að margir hámenntaðir menn líti á þróun sem staðreynd eru aðrir hámenntaðir menn sem trúa henni ekki. Taktu eftir niðurstöðu fyrrverandi geimfara. [Sýndu atriði á blaðsíðu 123.] Við þurfum að rannsaka sönnunargögnin persónulega til að ganga úr skugga um hvort við eigum að trúa á þróun eða sköpun.“ Ef húsráðandinn þiggur bókina skaltu bera fram spurningu sem má svara í næstu heimsókn þinni.
6 Langar þig til að hjálpa öðrum að læra hin dásamlegu sannindi um skapara okkar og kærleiksríkan tilgang hans með sköpunarverk sitt? Sköpunarbókin getur hjálpað þér til þess. Hún heiðrar hinn mikla skapara okkar, Jehóva Guð, með því að dásama verk hans og kunngera hinn dásamlega tilgang hans að helga nafn sitt og blessa mannkynið með ríki Krists.