Ný dagskrá sérstaka mótsdagsins
1 „Verum lærisveinar Jehóva“ er stef nýju dagskrárinnar fyrir sérstaka mótsdaginn á þjónustuárinu sem hefst 1. september. (Jóh. 6:45) Guðdómleg kennsla frá Jehóva hjálpar okkur sannarlega að lifa ánægjulegu lífi. Vegna hennar lærum við að meta andlega arfleifð okkar að verðleikum. Viðleitni okkar til að hjálpa öðrum að heyra fagnaðarerindið gerir okkur að nytsömum þjóðfélagsþegnum. Þessi sérstaki mótsdagur mun leggja áherslu á blessanirnar sem lærisveinar Jehóva njóta.
2 Dagskráin ber saman hagnaðinn af kennslu Guðs við hætturnar af því sem heimurinn kennir. Okkur mun verða enn betur ljóst hvernig Jehóva veitir menntun af hæstu gráðu — menntun sem er byggð á orði hans, Biblíunni. Áherslan verður lögð á þrjú svið tilbeiðslunnar þar sem við fáum að reyna þá ánægju sem fylgjir því að vera lærisveinar Jehóva, fræðast hjá honum. Þar fyrir utan munu börn og unglingar hvött til að líkja eftir framúrskarandi fordæmum frá biblíutímanum, eins og Davíð og Tímóteusi, og að láta líf sitt snúast í kringum andlega starfsemi. Hollusta hinna eldri verður líka dregin skýrt fram og það mun styrkja trú okkar. Þeir sem nýlega hafa vígt sig Guði og eru hæfir til að láta skírast mun gefast kostur á því. Þeir ættu að láta umsjónarmanninn í forsæti vita af þeirri ósk sinni með góðum fyrirvara áður en mótsdagurinn rennur upp.
3 Aðalræðan á sérstaka mótsdeginum ber heitið: „Jehóva kennir okkur að gera vilja sinn.“ Hún leggur áherslu á ástæður þess að við þurfum öll að halda áfram að læra til að verða staðföst í trúnni og halda áfram að taka framförum. Við verðum hvött til að líkja eftir Jehóva með því að kenna öðrum sannleikann sem leiðir til eilífs lífs. Sagðar verða uppbyggjandi reynslufrásögur til að sýna fram á hvernig rit Félagsins hafa hjálpað mörgum að fá fræðslu hjá Jehóva. Vakin verður sérstök athygli á því hversu kennsluáætlun Jehóva, sem nær um allan hnöttinn, hefur komið mörgu góðu til leiðar.
4 Gerðu þær ráðstafanir sem nauðsynlegar eru til þess að þú getir verið viðstaddur sérstaka mótsdaginn. Hvettu alla þá sem sýna sannleikanum áhuga að sækja mótið. Láttu þig hlakka til að fá fræðslu um marga góða hluti frá okkar mikla kennara, Jehóva Guði. — Jes. 30:20.