Þjónustusamkomur fyrir september

Vikan sem hefst 7. september

Söngur 53

10 mín: Staðbundnar tilkynningar og valdar tilkynningar úr Ríkisþjónustu okkar. Farið yfir rammagreinina „Tillaga.“

15 mín: „Við getum gert meiri verk.“ Spurningar og svör. Hvetjið alla til að setja sér skynsamleg markmið á nýja þjónustuárinu og leggja hart að sér til að ná þeim. — Sjá Þjónustubókina, bls. 116-18.

20 mín: „Brautryðjendur hjálpa öðrum.“ Öldungur útskýrir að auk þjálfunarinnar, sem séð er fyrir í Guðveldisskólanum, hafa verið gerðar ráðstafanir til að brautryðjendur veiti öðrum persónulega hjálp í boðunarstarfinu. Hann varpar fram spurningum um efni greinarinnar og biður áheyrendur um að leggja orð í belg, sérstaklega brautryðjendur og boðbera sem tekið hafa þátt í þessari áætlun. Ræðið hvernig hafa megi sem mest gagn af henni. Brautryðjendur geta sagt frá því hvernig þeir hafa notið þess að eiga þátt í að hjálpa öðrum og haft gagn af því. Boðberar, sem fengið hafa aðstoð, geta greint frá því hve þakklátir þeir séu fyrir þessa kærleiksríku ráðstöfun og minnst á ýmislegt sem hjálpaði þeim að ná meiri árangri og gleði í boðunarstarfinu.

Söngur 76 og lokabæn.

Vikan sem hefst 14. september

Söngur 69

10 mín: Staðbundnar tilkynningar og reikningshaldsskýrslan.

15 mín: Hvað þarf til að vera góður safnaðarboðberi? Ræða með einhverri þátttöku áheyrenda. Við þurfum ekki að vera gædd framúrskarandi hæfileikum eða gáfum, heldur skiptir mestu máli að við búum öll yfir fúsleika sem endurspeglast í kærleika, auðmýkt, kostgæfni og þakklæti. Bjóðið áheyrendum að svara því hvers vegna eftirsóknarvert sé að: (1) vera glaður í lund, (2) sækja samkomur reglulega og taka þátt í þeim, (3) taka fúslega við verkefnum og inna þau af hendi, (4)  vinna með öldungunum og styðja ráðstafanir safnaðarins, (5) vilja í einlægni hjálpa öðrum og (6) taka reglulega þátt í boðunarstarfinu og skila tímanlega inn starfsskýrslu í hverjum mánuði.

20 mín: Hvernig stóðum við okkur á síðasta þjónustuári? Ritarinn og starfshirðirinn fara yfir þjónustuskýrslu safnaðarins fyrir síðastliðið ár og tölur yfir samkomusókn. Þeir benda á uppörvandi hliðar skýrslunnar og beina athyglinni að því hvað megi betur fara. Var 100 prósent þátttaka í boðunarstarfinu í ágúst? Greinið frá því hvaða markmiðum öldungarnir ætla að einbeita sér að á komandi mánuðum, meðal annars að hjálpa öllum að vera reglulegir boðberar. Takið með viðeigandi tillögur úr síðustu farandhirðisskýrslu.

Söngur 61 og lokabæn.

Vikan sem hefst 21. september

Söngur 39

10 mín: Staðbundnar tilkynningar. Guðveldisfréttir.

15 mín: Notið Ríkisþjónustuna vel. Ræða með þátttöku áheyrenda. Bendið á tímabært efni í nýlegum eintökum af Ríkisþjónustu okkar og hvernig við getum haft gagn af því: (1) greinar sem örva okkur til að taka reglulega þátt í boðunarstarfinu; (2) frásagnir sem hvetja okkur til dáða í hinni heilögu þjónustu; (3) tillögur sem hjálpa okkur að kynna fagnaðarerindið á áhrifaríkan hátt; (4) tilkynningar um ný rit sem koma að gagni á starfssvæði safnaðarins; (5) þjónustuskýrslur sem sýna hvernig starfi Guðsríkis miðar áfram; (6) Guðveldisfréttir sem skýra frá framgangi boðunarstarfsins um heim allan; (7) tilkynningar og stundaskrár sem upplýsa okkur um hvað framundan sé; (8) Spurningakassinn sem svarar spurningum um mikilvæg mál og (9) viðaukar sem segja okkur frá mótum, sérstökum herferðum og öðru er snertir andlegar þarfir okkar. Hvetjið alla til að lesa hvert tölublað Ríkisþjónustu okkar, fylgja tillögum hennar, hafa hana með sér á þjónustusamkomuna og á samkomur fyrir boðunarstarfið og halda henni til haga til að fletta upp í síðar.

20 mín: „Kynnstu bræðrum þínum.“ Spurningar og svör. Takið með efni úr Varðturninum 1. maí 1989, bls. 19-20. Hvetjið alla til að eiga frumkvæðið að því að kynnast hvert öðru betur.

Söngur 14 og lokabæn.

Vikan sem hefst 28. september

Söngur 8

12 mín: Staðbundnar tilkynningar. Minnið boðbera á að skila inn starfsskýrslum fyrir september. Hvetjið alla til að einsetja sér að fara meira hús úr húsi í október til að auka blaðadreifinguna. Vísið til kynningartillagnanna í Ríkisþjónustu okkar fyrir október 1996, bls. 8. Sviðsetjið kynningu með nýjustu blöðunum og sýnið hvernig minnast megi á framlagafyrirkomulagið við húsráðandann. Hvetjið boðbera til að verða sér úti um næg blöð fyrir helgarstarfið.

20 mín: „Umsjónarmenn sem fara með forystuna — starfshirðirinn.“ Ræða starfshirðis. Þegar hann hefur rætt um skyldustörf sín bendir hann á ákveðnar leiðir þar sem söfnuðurinn getur lagt sitt af mörkum til að auka boðunarstarfið og gera það skilvirkara.

13 mín: Hvers krefst Guð af okkur? Ræða. Við byrjum að fara yfir þennan bækling í bóknáminu í næstu viku. Hvetjið alla til að undirbúa sig fyrirfram og vera viðstadda hverja námsstund svo að þeir verði vel heima í bæklingnum og læri hvernig eigi að nota hann til að kenna öðrum. Lesið málsgreinina undir heitinu „Hvernig nota skal þennan bækling“ á bls. 2. Notið efnið í Varðturninum á ensku 15. janúar 1997, bls. 16-17, til að leggja áherslu á hve mikilvægt sé að nota spurningarnar, ritningarstaðina og myndirnar í bæklingnum til kennslu. Bóknámsstjórar eiga að setja þeim sem stjórna heimabiblíunámskeiðum gott fordæmi með því að tala ekki of mikið eða koma með viðbótarefni. — Sjá Ríkisþjónustu okkar fyrir júní 1996, bls. 3, grein 5.

Söngur 9 og lokabæn.