Spurningakassinn

◼ Ertu búinn undir neyðartilfelli?

„Tími og tilviljun“ leggjast oft á eitt með þeim afleiðingum að við lendum óvænt á spítala og þrýst er á okkur að þiggja blóðgjöf. (Préd. 9:11) Jehóva hefur látið okkur margt í té fyrir milligöngu skipulags síns svo að við getum búið okkur undir þetta, en hann ætlast líka til að við gerum eitthvað sjálf. Hér á eftir er gátlisti þér til hjálpar.

• Berðu alltaf á þér nýjasta skírteinið „Upplýsingar um læknismeðferð/blóðgjöf óheimil.“

• Fylgstu með að börnin þín beri alltaf nýjasta nafnskírteinið með upplýsingum um læknismeðferð.

• Rifjaðu upp viðauka Ríkisþjónustu okkar frá nóvember 1992 og æfðu hvernig þú myndir ræða við lækni um læknismeðferð barns þíns.

• Rifjaðu upp greinar um blóðþætti og læknismeðferð án blóðgjafa. (Mælt er með eftirfarandi efni: Varðturninn 1. febrúar 1995, bls. 31; 1. febrúar 1994, bls. 30-1; 1. apríl 1994, bls. 30-1; Vaknið! apríl-júní 1999, bls. 20-3; janúar-mars 1994, bls. 25-8; Vaknið! (ensk útgáfa) 8. desember 1994, bls. 23-7; 22. nóvember 1991, bls. 10, og viðauka Ríkisþjónustu okkar í nóvember 1992 og ensku útgáfunnar í september 1992. Geymdu þetta efni svo í möppu á vísum stað.)

• Ákveddu hvort samviska þín leyfi að blóð þitt fari um vél utan líkamans og hvort þú getir þegið efni sem innihalda blóðþætti.

• Ef mögulegt er skaltu láta öldungana vita áður en þú leggst inn á spítala, svo að þeir geti veitt þér stuðning og haft samband við spítalasamskiptanefndina ef þörf krefur. Ef barn er lagt inn á spítala skaltu biðja öldungana að hafa samband við spítalasamskiptanefndina sem fyrst.

Taktu skýrt fram að þú þiggir ekki blóðgjöf: Reynslan hefur sýnt að bræður og systur bíða stundum fram á síðustu stundu með að segja lækni frá því að þau þiggi ekki blóðgjöf. Það er ekki sanngjarnt gagnvart lækninum eða öðrum heilbrigðisstarfsmönnum og þá er hætta á að sjúklingi sé gefið blóð. Ef læknar vita hver afstaða þín er og hún er studd undirrituðum skjölum með skýrum fyrirmælum frá þér, þá geta þeir hafist handa tafarlaust við að veita þér læknismeðferð án blóðgjafar.

Neyðartilfelli getur komið upp hvenær sem er, oftast þegar maður á síst von á því. Gerðu því ráðstafanir þegar í stað til að forðast að þér eða barni þínu verði gefið blóð. — Orðskv. 16:20; 22:3.