LÍF OKKAR Í KRISTINNI ÞJÓNUSTU
Hvenær get ég næst starfað sem aðstoðarbrautryðjandi?
Í sýn Esekíels um musterið kemur fram að fólk Jehóva myndi bera fram sjálfviljafórnir. Hvernig getum við, hvert og eitt, átt þátt í að færa Guði lofgjörðarfórnir? – Heb 13:15, 16.
Frábær leið til þess er að gerast aðstoðarbrautryðjandi. Á þjónustuárinu 2018 eru nokkrir mánuðir með fimm laugardaga eða sunnudaga. Þetta kemur sér sérstaklega vel fyrir þá sem vinna fulla vinnu og taka að mestu þátt í boðuninni um helgar. Auk þess geta boðberar valið að starfa annaðhvort 30 eða 50 klukkustundir í mars og apríl og í þeim mánuðum sem farandhirðir heimsækir söfnuðinn.
En hvað ef aðstæður okkar leyfa ekki að við séum aðstoðarbrautryðjendur? Við gætum áreiðanlega reynt að auka gæði þjónustu okkar og kannski notað meiri tíma í boðuninni. Hverjar sem aðstæður okkar eru ætti kærleikur okkar til Jehóva að fá okkur til að gefa honum okkar besta á þjónustuárinu 2018. – Hós 14:3.
Hvernig get ég líkt eftir Sabinu og sýnt eldmóð?
HORFÐU Á MYNDSKEIÐIÐ MEÐ HJÁLP JEHÓVA GET ÉG GERT NÆSTUM ALLT, SVARAÐU SÍÐAN EFTIRFARANDI SPURNINGUM:
Hvað hvetur Sabinu til að leggja sig fram í þjónustu Jehóva?
Hvernig er fordæmi Sabinu hvetjandi fyrir þig?
Í hvaða mánuði (mánuðum) á þjónustuárinu 2018 getur þú starfað sem aðstoðarbrautryðjandi?