Spurningakassinn

◼ Hvaða rit ættum við að fara yfir með nýjum áður en þeir láta skírast?

Áður en einhver getur vígt líf sitt Jehóva og látið skírast þarf hann að öðlast nákvæma þekkingu. (Jóh. 17:3) Hann getur aflað sér nauðsynlegra upplýsinga með því að fara bæði yfir bæklinginn Hvers krefst Guð af okkur? og bókina Þekking sem leiðir til eilífs lífs. Í flestum tilfellum er farið fyrst yfir Kröfubæklinginn. En ef byrjað er á Þekkingarbókinni ætti að fara yfir Kröfubæklinginn að henni lokinni. Hvers vegna þarf þess?

Kröfubæklingurinn tekur saman grundvallarkenningar Biblíunnar. Ef farið er yfir hann fyrst fær nemendinn undirstöðuskilning á því sem Jehóva krefst af honum. Ef farið er yfir hann síðast er hann góð upprifjun á efni Þekkingarbókarinnar. Hvort heldur er skaltu hvetja nemandann til að fletta upp ritningarstöðunum og hugleiða þá. Gættu þess að leggja áherslu á myndirnar þar eð þær eru öflugt kennslutæki. — Sjá Varðturninn á ensku 15. janúar 1997, bls. 16-17.

Um leið og biblíunemandi hefur lokið námi í báðum ritum ætti hann að vera fær um að svara öllum þeim spurningum sem öldungar fara yfir með honum til undirbúnings skírninni. Ef svo er þarf kannski ekki að hafa formlegt nám í neinu öðru riti. Stjórnandinn ætti hins vegar að halda áfram að sýna framförum hans áhuga. — Sjá Varðturninn 1. mars 1996, bls. 14, 17.