Sérútgáfa af Vaknið! fyrir janúar til mars
1 Margir vilja vita hvaða gildi Biblían hafi. Þeir spyrja: Hvernig er hægt að kalla hana orð Guðs fyrst hún var skrifuð af mönnum? Hvers vegna ættum við að treysta henni til að stýra skrefum okkar? Borgar það sig að lesa hana og rannsaka? Hvaða biblíuþýðingu er best að nota? Þetta eru nokkrar af þeim spurningum sem er svarað í sérútgáfu af Vaknið! fyrir janúar til mars. Blaðið nefnist „Er hægt að treysta Biblíunni?“
2 Verum dugleg að dreifa þessari sérútgáfu af Vaknið! Reyndu að skipuleggja þig þannig að þú getir sem oftast tekið þátt í blaðastarfinu með söfnuðinum á laugardögum. Farðu með blaðið til ættingja, nágranna, vinnufélaga, kennara, skólafélaga og þeirra sem þú heimsækir reglulega. Vertu með það á þér þegar þú ferð að versla eða í ferðalag. Öldungarnir hafa beðið um aukabirgðir þannig að söfnuðirnir ættu að hafa nóg.
3 Að hefja biblíunámskeið: Ef þú dreifir blaði geturðu lagt grunn að biblíunámskeiði áður en þú lýkur samtalinu. Þú gætir til dæmis sagt: „Næst myndi ég vilja sýna þér svar Biblíunnar við spurningunni: ‚Hvað ætlast Guð fyrir með jörðina?‘“ Komdu síðan aftur með bókina Hvað kennir Biblían? og sýndu húsráðanda bls. 4-5 eða greinar 1-3 í kafla 3. Annar möguleiki væri að segja: „Næst þegar ég kem myndi ég vilja segja þér frá spádómi í Biblíunni sem er að uppfyllast núna.“ Þegar þú kemur aftur geturðu sýnt húsráðanda 9. kafla bókarinnar og farið yfir greinar 1-3 með honum. Þú gætir líka sagt: „Mörgum finnst erfitt að skilja það sem þeir lesa í Biblíunni. Næst myndi ég vilja sýna þér hvernig þú getur skilið Biblíuna betur.“ Þegar þú kemur aftur geturðu kynnt bókina Hvað kennir Biblían? og sýnt hvernig biblíunámskeið fer fram.
4 Biblían ein inniheldur „heilagar ritningar“ sem geta veitt okkur „speki til sáluhjálpar“. (2. Tím. 3:15) Reynum því öll að taka ötulan þátt í að dreifa þessari sérútgáfu af Vaknið! til að hjálpa fólki að treysta Biblíunni.