Tökum framförum í boðunarstarfinu – bjóðum bókina Hvað kennir Biblían?

Af hverju er það mikilvægt? Bókin Hvað kennir Biblían? er eitt aðalkennslugagnið í verkfærakistunni okkar. En til að við getum notað hana til að kenna fólki þarf það fyrst að fá hana. Við ættum því öll að leggja okkur fram við að bjóða fólki bókina Hvað kennir Biblían? (Orðskv. 22:29) Það má gera á ýmsa vegu og boðberar ættu að nota þá aðferð sem hentar þeim best.

Hvernig förum við að?

Berðu fram spurningu sem vekur áhuga til að beina athygli húsráðanda að ákveðnum kafla í bókinni. Þú gætir jafnvel valið eina af spurningunum í byrjun hvers kafla. Eftir að hafa hlustað á viðbrögð húsráðandans skaltu lesa viðeigandi biblíuvers og sýna honum síðan grein í kaflanum sem fjallar um þetta málefni og jafnvel ræða það stuttlega.
Annar möguleiki er að nota formálann til að vekja áhuga og sýna síðan húsráðanda hvar svör Biblíunnar er að finna í bókinni. Þú gætir til dæmis vitnað í nýlega frétt um harmleik og bent á að margir hafa velt fyrir sér spurningunum á blaðsíðu 3. Þú gætir líka sagt að þú sért að heimsækja nágranna þína til að deila með þeim jákvæðri framtíðarvon. Sýndu svo myndirnar á blaðsíðu 4-5 og spyrðu: „Hvaða loforð myndir þú vilja sjá rætast?“ Enn annar möguleiki er að segja að þú sért að heimsækja fólk stuttlega til að hjálpa því að finna svörin við stóru spurningunum í lífinu. Því næst sýnirðu húsráðandanum spurningarnar neðst á blaðsíðu 6 og spyrð hann hvaða spurning veki áhuga hans.
Bjóddu biblíunámskeið beint. Þú gætir sagt: „Við erum að kynna þetta biblíunámsrit fyrir nágrönnum okkar. Hefurðu séð það áður? [Gefðu kost á svari.] Ef þú hefur fáeinar mínútur langar mig að sýna þér hvernig þú getur notað það ásamt þinni eigin biblíu.“

Prófið eftirfarandi í mánuðinum:

Æfið ykkur í tilbeiðslustund fjölskyldunnar.
Segið öðrum boðberum hvað þið ætlið að segja þegar þið eruð í boðunarstarfinu. (Orðskv. 27:17) Ef kynningin reynist ekki vel reynið þá nýja.