**Tökum framförum í boðunarstarfinu – notum bókina Hvað kennir Biblían? til að sýna hvernig biblíunámskeið fer fram**

Af hverju er það mikilvægt? Margir skilja ekki hvað felst í því þegar við bjóðum ókeypis biblíunámskeið. Þeir gætu haldið að þeir þyrftu að tilheyra námshópi eða taka þátt í bréfanámskeiði. Hvers vegna ekki að sýna þeim hvernig biblíunámskeið fer fram frekar en að bjóða þeim biblíunámskeið? Á fáeinum mínútum geturðu sýnt húsráðanda, jafnvel við útidyrnar, hversu einfalt og fræðandi það getur verið að kynna sér Biblíuna.

Hvernig förum við að?

Þegar þú hefur kynnt þig skaltu spyrja húsráðanda hvort hann velti fyrir sér hvað framtíðin beri í skauti sér.
Nefndu að margir velti þessu líka fyrir sér og sýndu honum efnisyfirlitið í bókinni Hvað kennir Biblían? Bentu á að í bókinni séu auðskildir kaflar sem sýna hvað Biblían segir um framtíðina og önnur viðfangsefni. Spyrðu síðan hvaða kafli veki áhuga hans.
Réttu húsráðanda eintak af bókinni og vísaðu honum á kaflann sem hann valdi. Bentu honum á að spurningunum í upphafi kaflans sé svarað í greinunum sem fylgja.
Spyrðu húsráðandann hvort hann vilji lesa fyrstu tölugreinina. Lestu síðan spurninguna sem tilheyrir greininni og farið saman yfir svarið. Flettu upp þeim biblíuversum sem vitnað er í til að styðja svarið og ræðið um þau. Sýndu húsráðanda hvernig þú strikar undir svörin í bókinni þinni.
Farið yfir næstu grein, en í þetta skipti skaltu hvetja húsráðandann til að svara með eigin orðum.
Hrósaðu honum og mæltu þér mót við hann til að halda áfram að fara yfir kaflann.
Ef við á skaltu benda á myndskeiðið Hvernig fer biblíunámskeið fram? á jw.org.

Prófaðu eftirfarandi í mánuðinum:

Biddu Jehóva í bæn um að hjálpa þér að hefja nýtt biblíunámskeið. – Fil. 2:13.
Reyndu annaðhvort að nota bókina Hvað kennir Biblían? tiI að sýna hvernig biblíunámskeið fer fram eða sýna myndskeiðið Hvernig fer biblíunámskeið fram? að minnsta kosti einu sinni í boðunarstarfinu.