Sérútgáfa af Vaknið! fyrir október til desember

¹ Nánast allir njóta þess að heyra fuglasöng eða horfa á fallegt sólsetur. Fáir viðurkenna hins vegar að við eigum kærleiksríkan föður á himnum sem skapaði þessa hluti. Við fáum einstakt tækifæri til að vitna um sköpun Jehóva með því að bjóða sérútgáfu af Vaknið! fyrir október til desember. (Jes. 40:28; 43:10) Þetta tölublað verður algerlega helgað spurningunni: „Er til skapari?“

² Á svæðinu: Reyndu að skipuleggja þig þannig að þú getir sem oftast tekið þátt í blaðastarfinu með söfnuðinum á laugardögum. Að sjálfsögðu er þér líka velkomið að bjóða þessa sérútgáfu aðra daga vikunnar. Kennarar og aðrir sem vinna á sviði menntamála ættu að hafa sérstakan áhuga á þessu blaði. Þess vegna mætti gera sérstakar ráðstafanir til að hitta slíkt fólk á svæðinu.

³ Ef viðmælandi þinn sýnir áhuga skaltu varpa fram spurningu í lokin sem þú munt svara í næstu heimsókn. Þú gætir til dæmis notað spurninguna: „Hvers vegna leyfir kærleiksríkur skapari svona miklar þjáningar?“ Síðan þegar þú kemur aftur geturðu sýnt 1. eða 11. kaflann í bókinni Hvað kennir Biblían? Þú gætir líka spurt: „Hver er fyrirætlun skaparans með jörðina?“ og notað 3. kafla bókarinnar í næstu heimsókn.

⁴ Í skólanum: Væri ekki tilvalið fyrir þá sem eru í skóla að láta kennarann sinn eða bekkjarsystkini fá þessa sérútgáfu af Vaknið!? Ef þú leggur eitt eintak á borðið þitt gætirðu líka fengið spurningar um trú þína. Þú færð líklega tækifæri til að nota upplýsingarnar í blaðinu til að verja trú þína þegar þetta efni er til umræðu í bekknum eða þegar þú skrifar ritgerðir. Þér til aðstoðar er grein í blaðinu sem nefnist: „Ungt fólk spyr . . . hvernig get ég varið trú mína á sköpun?“

⁵ Jehóva á skilið af fá dýrð og heiður fyrir sköpunarverk sitt. (Opinb. 4:11) Við heiðrum skapara okkar og hjálpum öðrum að gera slíkt hið sama með því að taka ötullega þátt í því að dreifa Vaknið! fyrir október til desember.