Herferð til að kynna minningarhátíðina
1. Í hverju taka boðberar þátt um heim allan frá og með 21. mars og hvers vegna?
1 Fimmtudaginn 9. apríl 2009 munu tilbiðjendur Jehóva Guðs um allan heim safnast saman til þess að minnast mesta kærleiksverks hans í þágu mannkyns. (Rómv. 5:6-8) Við búumst fastlega við því að milljónir áhugasamra manna verði viðstaddir ásamt okkur þegar við minnumst dauða Jesú. Byrjað verður að dreifa sérstökum boðsmiðum á minningarhátíðina um alla jörðina frá og með 21. mars.
2. Hvað þarftu að hafa í huga þegar þú dreifir boðsmiðanum?
2 Nokkur atriði sem þarf að hafa í huga: Notaðu vel myndir, spurningar og tilvísanir í ritningarstaði sem eru á boðsmiðanum. Til dæmis gætir þú notað myndina á forsíðunni og sagt: „Mig langar að bjóða þér á minningarhátíðina um dauða Jesú sem verður haldin fimmtudaginn 9. apríl 2009.“ Bentu svo á titilinn á boðsmiðanum og spurningarnar sem koma í kjölfarið. Leggðu áherslu á að viðmælanda sé velkomið að bjóða öðrum úr fjölskyldunni með sér eða bara hverjum sem hann vill.
3. Hvernig getur þú fylgt eftir boði á minningarhátíðina?
3 Ef söfnuðurinn þinn hefur stórt starfssvæði gætu öldungarnir ákveðið að það megi skilja boðsmiða eftir þar sem enginn er heima. Um helgar ætti að bjóða blöðin ásamt boðsmiðanum. Gerðu það að markmiði þínu að bjóða fólki sem þú hefur heimsótt áður, biblíunemendum, ættingjum, skólafélögum, vinnufélögum, nágrönnum og öðrum kunningjum. Á síðasta ári bauð ein systir 30 af ættingjum sínum að koma og síðan minnti hún þá reglulega á mikilvægi atburðarins. Hún varð himinlifandi þegar 25 komu á minningarhátíðina og 4 af þeim þáðu síðar biblíunámskeið.
4. Hvaða áætlun þurfum við að gera núna og hvers vegna?
4 Gerðu strax áætlun: Margir boðberar geta kannski aukið starf sitt í mars og apríl. Ef þú átt börn eða ert með biblíunemendur sem hafa tekið góðum framförum þá gæti þetta verið gott tækifæri fyrir þau að verða óskírðir boðberar. Núna er rétti tíminn til að byrja að skipuleggja hvernig við getum tekið sem mestan þátt í þessari herferð sem auglýsir minningarhátíðina um tvö mestu kærleiksverk sögunnar. — Jóh. 3:16; 15:13.