Hverjir gera vilja Jehóva?
1. Hvenær byrjum við að fara yfir Hverjir gera vilja Jehóva? og hvaða gagn höfum við af því?
1 Í vikunni sem hefst 28. október verður byrjað að fara yfir Hverjir gera vilja Jehóva? í safnaðarbiblíunáminu. Þessi nýi bæklingur kom út á umdæmismótinu „Varðveit hjarta þitt“ og er saminn með það fyrir augum að beina biblíunemendum til safnaðarins. Yfirferð yfir þennan bækling gerir okkur enn þakklátari fyrir að tilheyra alheimssöfnuði Jehóva og hjálpar okkur líka að þekkja vel hvernig við getum notað þetta dýrmæta hjálpargagn í boðunarstarfinu. – Sálm. 48:14.
2. Hvernig verður farið yfir bæklinginn í safnaðarbiblíunáminu?
2 Hvernig verður farið yfir efnið? Námsstjórinn þarf að deila tímanum jafnt niður á hvern námskafla. Hann kynnir hvern þessara 28 kafla með því að lesa spurninguna sem myndar fyrirsögn kaflans. Síðan fær hann lesarann til að lesa inngangsorðin. Eftir það biður námsstjórinn áheyrendur að svara spurningu sem hann hefur sjálfur samið úr efni inngangsorðanna. Því næst skal lesa og ræða efni hverrar greinar fyrir sig sem hefst á feitletraðri staðhæfingu. Þegar búið er að lesa greinina biður námsstjórinn áheyrendur að benda á svar í greininni við spurningunni í fyrirsögn kaflans. Einnig má segja ýmislegt um myndirnar sem prýða bæklinginn. Lesa á lykilritningarstaði eftir því sem tíminn leyfir. Áður en haldið er áfram í næsta kafla rifjar námsstjórinn upp efnið með því að bera fram spurningarnar neðst á blaðsíðunni. Ef ramminn „Skoðaðu málið betur“ er á blaðsíðunni lætur námsstjórinn lesa efni rammans og biður áheyrendur síðan að benda á hvaða gagn biblíunemandi geti haft af því að fara eftir tillögunni. Ef tíminn í lok námsstundarinnar leyfir getur námsstjórinn notað fyrirsagnir kaflanna sem upprifjunarspurningar. Hafa ber í huga að þessi námsaðferð er ekki endilega sú sem nota á þegar farið er yfir bæklinginn með biblíunemanda.
3. Hvað getum við gert til þess að hafa sem mest gagn af því að fara yfir efni bæklingsins?
3 Til að hafa sem mest gagn af náminu er best að koma vel undirbúinn á samkomuna. Reyndu að taka þátt í náminu með því að svara. Á meðan farið er yfir efnið er gott að íhuga hvernig það geti komið biblíunemendum að gagni. Vonandi gerir námið í þessum nýja bæklingi okkur hæfari til að hjálpa öðrum að gera vilja Guðs, svo þeir geti líka haft þá von að lifa að eilífu. – 1. Jóh. 2:17.