Ẹjiroro Jọ

September yọ amara ọfa nọ a te jọ fiọ ekru ebe họ ada evaọ ẹgbede evaọ unuigho nọ a sikpotọ. Whọ sai fi ẹnyaharo họ odibọgba ra ẹkwoma ebe eyena nọ ukoko ra u wo nọ whọ rẹ riẹ kpahe ziezi. Muẹro h’otọ re who dhesẹ ae kẹ emọ-iwuhrẹ Ebaibol ra gbe amọfa nọ a wo isiuru kpahe ugogo uzoẹme jọ. A rẹ sae ruẹ obọdẹ idhere nọ a rẹ rọ rehọ ai ruiruo evaọ uvitha Odibọgba Uvie Mai erọ June, July, gbe August. U woma re whọ kiẹ ae riwi re who wo emamọ iyẹrẹ evaọ ebe i fihọ ada.