Kọ Who Bi Ruiruo avọ Ẹjiroro?
1 Jihova yọ Ọghẹnẹ ẹjiroro. (Aiz. 55:10, 11) A tuduhọ omai awọ re ma raro kele iei. (Ẹf. 5:1) Onana o rẹ mae jọ ere evaọ oghẹrẹ nọ ma rẹ rọ wha odibọgba mai na h’aro. Fikiere onọ na u fo inọ: “Kọ who bi ruiruo avọ ẹjiroro?”
2 Usiuwoma ota ra n’ẹthẹ ruẹthẹ, isẹri-ise ọnyakuo, gbe ẹghale ebe yọ abọjọ odibọgba nọ o wo ẹjiroro. Rekọ kareghẹhọ nnọ iruo nọ a k’omai na i kpomahọ orọnikọ usiuwoma ota ọvo ho rekọ te ilele i ruo re. (Mat. 28:19, 20) Nọ ma tẹ kọ ibi uzẹme Uvie no, o gwọlọ nọ ma re zihe re ma ku ame họ ae jẹ rẹrote ae kẹse kẹse nọ ma bi rẹro mi Jihova re ọ wha ẹvi ze na. (1 Kọr. 3:6) O gwọlọ re ma ru izihebro gbe iwuhrẹ Ebaibol n’evaze.
3 Ru Odibọgba Ra Kẹre: O rẹ wha evawere ze ẹsikpobi nọ who te rri kpemu kpohọ oware nọ who ru no evaọ odibọgba na whọ vẹ ta kẹ oma ra nọ: “Me ru oware nọ mẹ wọ nya i ru na gba.” Wọhọ epanọ a kere eva 2 Timoti 4:5, Pọl ọ kẹ uduotahawọ nọ: “Ru iruo ra gbunu.” Oyena o kẹre te erukẹre ọ omodawọ ra re whọ nya lele isiuru kpobi nọ who duku. Evaọ omaa iruẹru ẹkpoka ra, m’omaa ọ ugogo oke fihọ kẹ izihebro. Le ute ọ iwuhrẹ Ebaibol nọ who re muhọ kugbe ahwo nọ a wo eva ọ ewoma oruo. U fo re onana o jọ ẹjiroro ra evaọ okenọ who te bi w’obọ evaọ odibọgba na.
4 Nọ iwhowho-uvie kpahe epanọ o jarae oma evaọ okenọ a ruẹ emọ-uwuhrẹ Ebaibol rai nọ e jẹ họ-ame eva okokohọ. A ghọghọ, ẹsejọhọ wọhọ epaọ enọ e họ-ame na. A ru ẹjiroro ologbo jọ gba no! Oru-ilele jọ o dhesẹ i rie enẹ: “Re a ru ilele u dhesẹ amọfa nọ a re ru fihọ enọ i re jiri Jihova. U dhesẹ uzuazọ kẹ enọ e jẹ uzẹme na rehọ. Me you uzẹme na nọ me re wuhrẹ amọfa—u woma kẹhẹ! . . . Ibuobu ahwo nọ i you Jihova no na a zihe ruọ egbẹnyusu eghaghae mẹ no.”
5 Dai roro epanọ o rẹ j’owhẹ oma nọ whọ tẹ sai fiobọhọ kẹ ohwo jọ zihe ruọ odibo Jihova nọ ọ roma mudhe no! Ẹvẹ o rẹ wha oghọghọ ze te! Iyẹrẹ itieye na i re no iruo nọ a ru avọ ẹjiroro evaọ odibọgba na ze.—Kọl. 4:17.