Omaa Ewuhrẹ Odibọgba

Oka nọ O rọ October 8 Muhọ

Ole avọ 109

10 min: Iwhowhovia obonẹ. Salọ Iwhowhovia no Odibọgba Uvie Mai ze. Tuduhọ ahwo kpobi awọ re a rri ividio na United by Divine Teaching evaọ omaruẹrẹhọ kẹ ẹmeọta evaọ Ewuhrẹ Odibọgba oka ọ October 22 na. Avọ iroro-ejẹ nọ e rọ ẹwẹ-obe avọ 8, ru idhesẹvia ekpẹkpẹe ivẹ erọ efihọ ada emagazini, whọ rẹ rehọ odhesẹvia nọ a re ro fi Uwou-Eroro ọ November 1 na họ ada ro ru ọjọ, whọ vẹ rọ Awake! ọ October 22 ru ọrọ avivẹ na.

17 min: “Eme Họ Ẹjiroro Na?”a Fiẹgba họ epanọ u wuzou te re a fiobọhọ kẹ emọ-uwuhrẹ ruẹ erere ekpohọ iwuhrẹ ukoko. Fi odhesẹvia nọ a ruẹrẹ oma kpahe ziezi kẹ bae ọrọ epanọ a sai ro ru onana, avọ uzou avọ 17, edhe-ẹme avọ 6-8, evaọ obe Eriariẹ na.

18 min: “Jọ Ohwo Abọ-Ẹzi.” Ẹme nọ ọkpako o re ru.

Ole avọ 54 gbe olẹ ekuhọ.

Oka nọ O rọ October 15 Muhọ

Ole avọ 113

10 min: Iwhowhovia obonẹ. Iyẹrẹ epanọ igho e nya.

15 min: Kọ Who Wo “Udu Ẹmeoyo”? (1 Iv. 3:9) Ẹme nọ ọkpako o re ru, ro no Uwou-Eroro ọ August 1, 1998 ze, ẹwẹ-obe avọ 18-20. T’ẹme kpahe idhere nọ ma sai ro dhesẹ ẹmeoyo evaọ iruo i ru kugbe ukoko na.

20 min: Rehọ Emagazini Mai ro Ruiruo Ziezi. Ọsẹro usiuwoma ota gbe ọsẹro emagazini na a rẹ t’ẹme kpahe ọdawẹ rai kpahe ẹghale emagazini evaọ ẹkwotọ na. A rẹ fodẹ unu nọ ukoko na u bi wo k’amara k’amara rọ wawo unu nọ a be n’iyẹrẹ nọ a fihọ ada. O rọ vevẹ inọ, a bi fi ibuobu họ ada ha. Ẹvẹ iwhowho-uvie na e sae rọ rehọ emagazini na ro ruiruo ziezi? Inievo na e rẹ t’ẹme kpahe igogo eme ihrẹ nọ e rọ abọ Ewuhrẹ Odibọgba na “Muọwhọ kẹ Emagazini!” nọ o romavia evaọ oka ọ October 11, 1999. A vẹ kiẹ oware nọ o via nọ o rọ Uwou-Eroro ọ June 1, 1998, ẹwẹ-obe avọ 30-31 riwi, jẹ t’ẹme kpahe idhere jọ nọ a sai ro fi iroro-ejẹ na h’iruo evaọ ẹkwotọ na. A tuduhọ ahwo kpobi awọ re a fi idhesẹvia iriruo nọ e be roma via k’amara k’amara evaọ Odibọgba Uvie Mai họ iruo.

Ole avọ 156 gbe olẹ ekuhọ.

Oka nọ O rọ October 22 Muhọ

Ole avọ 120

10 min: Iwhowhovia obonẹ. Avọ iroro-ejẹ nọ e rọ ẹwẹ-obe avọ 8 na, rehọ Awake ọ November 8 na ru odhesẹvia ọkpẹkpẹe ọrọ efihọ ada emagazini.

10 min: Ẹvẹ Whọ te Kuyo? T’ẹme kpẹkpẹe kpahe ẹwẹ-obe avọ 29, edhe-ẹme avọ 2, evaọ ibroshọ na Isẹri Jihova—Oghẹrẹ Ahwo Vẹ A Rrọ? Eme A Rọwo?, oria nọ a jọ kẹ uyo uvevẹ kẹ onọ na, “Kọ Isẹri na a rọwo nnọ egagọ rai ọvo họ onọ u woma?” Ru odhesẹvia nọ a ruẹrẹ oma kpahe kẹ ziezi ọrọ epanọ a rẹ kuyo onọ onana evaọ ozihebro, uzizie osasa re a nyaze iwuhrẹ ukoko u ve lele iei.

25 min: “United by Divine Teaching—Ẹkiẹriwi Uvi Okugbe Inievo.” Ẹmeọta ogbotu. Rehọ edhe-ẹme ọsosuọ na ro muhọ jẹ rehọ ọrọ urere na ku ẹme na họ. Re who ru ẹmeọta-kugbe kpahe ividio na jọ jajaja, nọ enọ ọvuọvo nọ a ruẹrẹhọ na. Otẹrọnọ ahwo jọ evaọ ukoko na a kpohọ ikokohọ evaọ erẹwho efa no, jọ a ta iroro rai via kpahe epanọ a rọ ruẹ okugbe akpọ-soso ọrọ ukoko mai na. Hayo, gbiku eware jọ nọ e via nọ e rọ 1994 Yearbook, ẹwẹ-obe avọ 7-9, gbe 1995 Yearbook, ẹwẹ-obe avọ 8-11. Evaọ December ma te kiẹ ividio na To the Ends of the Earth riwi. Hayo, t’ẹme kpahe “Thrilling Conventions Promote Divine Teaching” (Ikokohọ Ilogbo erọ Oghọghọ E rẹ Wha Ewuhrẹ Ọghẹnẹ Haro) Ẹme nọ ọkpako o re ru rono Uwou-Eroro Na ọrọ January 15, 1994 (ọrọ Oyibo) ze, ẹwẹ-obe avọ 24-30.

Ole avọ 47 gbe olẹ ekuhọ.

Oka nọ O rọ October 29 Muhọ

Ole avọ 164

12 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ọ October rai. Ebe nọ a ti fihọ ada evaọ November họ ibroshọ Gwọlọ hayo obe Eriariẹ na. Ru odhesẹvia ọkpẹkpẹe ọnana: “Evaọ etoke ọbẹbẹ ọnana, o rọ bẹbẹ kẹ ahwo buobu re a sai wo ẹgwọlọ rai t’obọ. Kọ who roro nọ egọmeti ohwo-akpọ ọ te sai ku ẹbẹbẹ ọnana họ evaọ edhere nọ o re kiehọ ahwo kpobi oma? [Kuvẹ kẹ uyo.] Eyaa nana nọ me duku evaọ Ebaibol na o rọ uduotahawọ.” Se Olezi 72:12-14. Kẹsena who ve fi ibroshọ Gwọlọ hayo obe Eriariẹ na họ ada, kugbe ọkpahefihọ nọ o fo rono obe na ze.

15 min: “Edhesẹ Ovuhumuo kẹ Oware nọ Ma Wo.” Ẹmeọta ogbotu nọ ọkpako hayo odibo oruiruo nọ o te ziezi o re ru.

18 min: “Ẹvẹ Whọ Be Re Emu Abọ-Ẹzi D’oma Te?” Zizie ọkpahefihọ ọfa mi ogbotu na rọ kpahe Uwou-Eroro ọ April 15, 1997 (ọrọ Oyibo), ẹwẹ-obe avọ 28-31, ro dhesẹ oware nọ o soriẹ gbe oghẹrẹ nọ ma rẹ rọ daoma mai re ma sẹro emamọ uruemu emuọriọ abọ-ẹzi.

Ole avọ 181 gbe olẹ ekuhọ.

Oka nọ O rọ November 5 Muhọ

Ole avọ 167

10 min: Iwhowhovia obonẹ.

18 min: Omaruẹrẹhọ Uviuwou kẹ Iwuhrẹ. Ọsẹ ọ rẹ t’ẹme kugbe uviuwou riẹ kpahe epanọ aikpobi a sae rọ ruẹrẹ oma kpahe re a w’obọ ziezi evaọ iwuhrẹ na. Avọ ekpọvio nọ e rọ Uwou-Eroro ọ July 1, 1999, ẹwẹ-obe avọ 25-26, edhe-ẹme avọ 9, a rẹ ruẹrẹ iyo nọ a te kẹ evaọ Uwuhrẹ Uwou-Eroro oka nana kpahe. (1) Omomọvo evaọ uviuwou na ọ rẹ salọ onọ ovo hayo ivẹ nọ ọ rẹ kpahefihọ. (2) Nọ a tẹ kiẹ idhe-eme na riwi no, a vẹ rọ eme obọ rai ruẹrẹ iyo rai họ. (3) A vẹ salọ igogo ikereakere nọ a fodẹ, t’ẹme kpahe epanọ ọvuọvo rai o ro kie kpahe uzoẹme na, jẹ m’omaa ẹme nọ a rẹ ta ro dhesẹ ai kie kpahe uwuhrẹ na. O rrọ aikpobi oja re a w’obọ evaọ uwuhrẹ na.

17 min: “Ta Usiuwoma avọ Ẹjiroro” Ẹme nọ ọkpako o re ru.

Ole avọ 151 gbe olẹ ekuhọ.

[Footnote]