Omaa Ewuhrẹ Odibọgba

MUẸROHỌ: Odibọgba Uvie Mai o ti wo omaa Ewuhrẹ Odibọgba kẹ oka kpobi evaọ etoke okokohọ ubrotọ na. Ukoko kpobi o rẹ sai ru inwene wọhọ epanọ o gwọlọ re o kẹ ae uvẹ kpohọ Okokohọ Ubrotọ “Jọ Ẹzi Ọghẹnẹ Ọ Kpọ Owhẹ” na. Evaọ Ewuhrẹ Odibọgba urere taure wha te ti kpohọ okokohọ na, rehọ iminiti 15 rọ wariẹ kiẹ ithubro gbe ekareghẹhọ nọ e rrọ uko-obeva Odibọgba Uvie Mai ọrọ amara nana nọ i kpomahọ oborai riwi. Amara ọvo hayo ivẹ nọ wha te no okokohọ na ze no, ruẹrẹ iminiti 15 rite 20 họ evaọ Ewuhrẹ Odibọgba na jọ (o sae jọ abọ ẹgwọlọ ukoko na) re wha rọ kiẹ igogo-eme okokohọ ubrotọ na nọ inievo na a ruẹ nọ i bi fiobọhọ kẹ ae evaọ odibọgba na. Ọsẹro usiuwoma ota na o re ru ọkiẹkpemu na. Zizie ogbotu na re a ta kpahe epanọ a bi ro fi eware nọ a yo họ iruo evaọ odibọgba na.

Oka nọ O rọ September 8 Muhọ

Ole avọ 204

8 min: Iwhowhovia obonẹ. Nọ ogbotu na re a jọ emagazini ekpokpọ na fodẹ izoẹme nọ e be were ahwo ẹkwotọ rai. Jẹ nọ ae re a fodẹ enọ gbe ikere nọ a rẹ rọ rehọ izoẹme yena fi emagazini na họ ada. Ru idhesẹvia epanọ a re ro fi emagazini na họ ada unọjọ utọjọ.

12 min: Fi Obọ họ kẹ Emọ-Uwuhrẹ re A Jọ Enọ I re Wuhrẹ Amọfa. Ẹme nọ a re ru no Uwou-Eroro ọ February 1, 2007 ze, ẹwẹ-obe avọ 15-16, edhe-ẹme avọ 14-20. Ku odhesẹvia ọkpẹkpẹe jọ kugbei, onọ owhowho-uvie jọ o bi jo dhesẹ oghẹrẹ nọ Uwuhrẹ ovuẹ ogbotu gbe orọ Uwou-Eroro na e rẹ jọ kẹ ọmọ-uwuhrẹ Ebaibol ọkpokpọ riẹ, je bi zizie ei re ọ ziọ ewuhrẹ.

25 min: “Omakugbe Jọ nọ Ma rẹ Jọ Re Emu Abọ-Ẹzi Jẹ Wereva.”a Okere-obe ukoko na o re ru ei. Fodẹ okokohọ ubrotọ nọ a ghale ukoko rai fihọ. Kiẹ ẹkpẹti na “Ekareghẹhọ Okokohọ Ubrotọ” riwi.

Ole avọ 127

Oka nọ O rọ September 15 Muhọ

Ole avọ 94

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ubro ọsosuọ amara ọ September. Iwhowhovia nọ a salọ no Odibọgba Uvie Mai ze.

20 min: Ẹvẹ Ma Ru Te Evaọ Ukpe n’Ukpo? Ẹme nọ ogbotu ọ rẹ kpahe fihọ nọ ọsẹro usiuwoma ota na hayo ọkpako ọfa nọ ọ te riẹ ẹme na ru ziezi o re ru. Kiẹ iruẹru usiuwoma ota ukoko rai erọ ukpe-iruo nọ o vrẹ na riwi, tẹrovi abọ nọ wha jo wo ẹnyaharo. Jiri ukoko na kẹ oma nọ a dawo. Ta kẹ owhowho-uvie ọvo hayo ivẹ kpahotọ re a gbiku eware ọbọga nọ a rọ ẹro ruẹ evaọ odibọgba na. Fodẹ oware ovo hayo ivẹ jọ nọ o gwọlọ nọ ukoko rai u ruiruo kpahe evaọ ukpe-iruo nọ o be tha na, jẹ fodẹ eware jọ nọ i re fiobọhọ k’owhai wo ẹnyaharo.

15 min: Oghẹrẹ nọ Ma re ro Thihakọ Omukpahọ Evaọ Odibọgba Mai. Ẹme nọ ọkpako ukoko o re ru no evuẹ nọ ukoko na u kere no kpahe epanọ omukpahọ o sai ro kpomahọ iruo odibọgba mai. Ta kpahe epanọ ma sai ro fi omukpahọ otiọye kparobọ. Evaọ ẹsejọ, uruemu nọ ma bi dhesẹ evaọ usiuwoma ota gbe evaọ iruẹru ikẹdẹ kẹdẹ mai, o rẹ sai ru ei lọhọ nọ ahwo nọ a mukpahe omai a jẹ whaha uruemu yena, jẹ lẹliẹ ae jẹ uzẹme na rehọ. Fikiere, o r’oja re ma hai muẹrohọ ẹmeunu gbe uruemu mai evaọ ẹsikpobi. (1 Pita 2:12; 3:1, 2) Gbiku umutho eware jọ nọ e via evaọ oborai hayo enọ whọ jọ ebe ukoko na se, nọ u dhesẹ epanọ ma sai ro fi omukpahọ kparobọ.

Ole avọ 51

Oka nọ O rọ September 22 Muhọ

Ole avọ 104

10 min: Iwhowhovia obonẹ. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. T’ẹme kpahe ileta uwou ogha nọ o rrọ ẹwẹ-obe 1 na.

15 min: Osohwa O Riẹ kẹ Iruo Ra. Ẹme nọ a re ru no Uwou-Eroro ọ April 15, 2005 ze (ọrọ Oyibo), ẹwẹ-obe avọ 28, edhe-ẹme avọ 5 rite obọ oka ẹwẹ-obe avọ 29. Rọ omoke jọ kiẹ owhowho-uvie ajọwha ọvo hayo ivẹ riwi re a ta epanọ Jihova ọ rọ thọ ae uke evaọ ẹgwọlọ abọ-iwo rai.

20 min: “Rọ Kpahe Ithihi Riẹ” Kpekpekpe. Nọ oke o tẹ riẹ, zizie ogbotu na re a kpahe fihọ ikereakere nọ a fodẹ na.

Ole avọ 190

Oka nọ O rọ September 29 Muhọ

Ole avọ 45

5 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota ubro avivẹ amara ọ September.

20 min: “Jọ Owhowho-Uvie nọ Ọ rẹ Nẹ Iyẹrẹ Ẹsikpobi.” A re se edhe-ẹme avọ 3 gbe 4.

20 min: “Eriwo Ileleikristi Kpahe Etho nọ A rẹ Jọ Ẹdawọ Isukulu Tho.” Nọ wha tẹ rrọ edhe-ẹme avọ 7, nọ imava hayo imasa nọ i fi odawọ etho nọ a rẹ jọ ẹdawọ isukulu tho kparobọ re a ta epanọ a ro fi odawọ na kparobọ. Fiẹgba họ epanọ obroziẹ-iroro ọfuafo nọ a wo u ro fiobọhọ kẹ ae.

Ole avọ 2

Oka nọ O rọ October 6 Muhọ

Ole avọ 15

10 min: Iwhowhovia obonẹ.

15 min: Ẹkpẹti Onọ. Ẹme nọ ogbotu ọ rẹ kpahe fihọ. Ku eme kugbei rono Uwou-Eroro ọ July 1, 2005 ze, ẹwẹ-obe avọ 10-12, edhe-ẹme avọ 10-16.

20 min: “Wuhrẹ Amọfa re A You Jihova.” Nọ oke o tẹ riẹ, zizie ogbotu na re a kpahe fihọ ikereakere nọ a fodẹ na.

Ole avọ 132

[Oruvẹ-obotọ]