UZUAZỌ OLELEIKRISTI
Oware nọ U ti Fiobọhọ kẹ Owhẹ Riẹ Ebaibol Ziezi
Kọ whọ tẹ rrọ otọ odawọ o te were owhẹ re who kru ẹrọwọ ra wọhọ Daniẹl? Ọ romatotọ kiẹ Ẹme Ọghẹnẹ ziezi makọ eruẹaruẹ ididi dede. (Da 9:2) Whọ tẹ be romatotọ se Ebaibol na u ti fiobọhọ kẹ owhẹ kru ẹrọwọ ra. Evaọ ẹvẹ? O te lẹliẹ ẹrọwọ ra ga inọ eyaa Jihova kpobi i ti rugba. (Jos 23:14) O te jẹ lẹliẹ owhẹ you Ọghẹnẹ viere, nọ u ti fiobọhọ kẹ owhẹ ru oware nọ u woma. (Ol 97:10) Kọ ẹvẹ who ti ro muhọ? Dai roro kpahe idhere nana.
Obe vẹ me ti se? Emamọ edhere jọ nọ a re ro se obe họ oma nọ a rẹ ruẹrẹ họ kẹ ewuhrẹ. Who re wo erere no isase Ebaibol ẹkpoka na ze ziezi otẹrọnọ who re ru ekiakiẹ fihọ eme nọ who wo otoriẹ rai hi. U te no ere no, ahwo jọ a re se kpahe eruẹaruẹ Ebaibol, abọ sa-sa ubi ẹzi na, erẹ usiuwoma ota Pọl ukọ na, hayo emama Jihova. Oke kpobi nọ onọ jọ o tẹ ze owhẹ iroro, kere ei fihotọ re whọ kiẹ kpahe iẹe evaọ okenọ who ti ru ewuhrẹ ra.
Diẹse mẹ rẹ jọ ruẹ evuẹ nọ mẹ gwọlọ? Rri ividio ọ Ekwakwa nọ Ma Sae rọ Kiẹ Efe Abọ-Ẹzi Via re whọ ruẹ eria jọ. Re whọ dawo eriariẹ ra, kiẹ kpahe ogaga-esuo akpọ-soso nọ a rehọ erao dhesẹ na evaọ obe Daniẹl uzou avọ 7.
Ẹvẹ oke nọ me re ro se obe u re theri te? Who gbe bi se obe kẹse kẹse he, whọ sai dikihẹ ga ziezi hi evaọ ukoko na. Nọ who te bi muhọ, whọ sai se umutho, nọ oke o be nyaharo na, who ve ru ei theri. Ewuhrẹ Ẹme Ọghẹnẹ ọ wọhọ ohwo nọ ọ be tọ gwọlọ efe, epanọ whọ ruẹ te, ere whọ rẹ gbẹ gwọlọ tọ ga te. (Itẹ 2:3-6) Ẹme Ọghẹnẹ ọ vẹ te hai si owhẹ urru ese, o vẹ te reria owhẹ oma.—1Pi 2:2.
EME ERAO NỌ E RRỌ DANIẸL UZOU AVỌ 7 NA I DIKIHẸ KẸ?
ONỌ OFA:
Ẹvẹ Daniẹl 7:8, 24 u ro rugba?
ỌFA NỌ WHO RE RU:
Eme erao nọ e rrọ Eviavia izou 13 na i dikihẹ kẹ?