‘Gbẹ Hai Viharo Evaọ Eriariẹ Egbagba’

Eriariẹ egbagba Ọghẹnẹ i re su kpohọ uzuazọ ebẹdẹ bẹdẹ. (Jọn 17:3) Ma re ru umutho nọ mai rẹ sai ru kpobi re ma viharo evaọ eriariẹ egbagba kpahe Jihova. (Kọl. 1:9, 10) Muhọ eva April 29, ma ti wuhrẹ obe na Eriariẹ Nọ I Re Su Kpohọ Uzuazọ Ebẹdẹ Bẹdẹ evaọ Uwuhrẹ Obe Ukoko na. Orọnikọ otoriẹ Ẹme Ọghẹnẹ mai ọvo o te nyaharo ho rekọ o te ruẹrẹ omai họ viere re ma rehiẹe wuhrẹ amọfa. Whẹ avọ uviuwou ra a ti wo eghale otẹrọnọ wha kake thoma kpahe, kpohọ je w’abọ koka koka, jẹ rehọ evuẹ eyena ruiruo evaọ odibọgba na. Je muhọ evaọ September 9, 1996, ma ti zihe kpohọ ewuhrẹ obe ọ United in Worship evaọ obe ewuhrẹ ukoko na.