Ọruẹrẹfihotọ Ẹdẹ Okokohọ Obọdẹ Ọkpokpọ

Ọruẹrẹfihotọ ẹdẹ okokohọ obọdẹ nọ o ti muhọ evaọ March 2000 na o wo uzoẹme nana: “Ẹkiẹ Rueva ọ Eware Ididi Ọghẹnẹ Na.” (1 Kọr. 2:10) Eware eghaghae vẹ ma ti wuhrẹ?

Evaọ ẹgwọlọ rai rọkẹ eriariẹ, ahwo buobu a bi wo omosasọ no eware nọ a bi duku ze he. Ebaibol na ọ rẹ k’omai ẹgba, wọhọ epanọ ọsẹro okogho na o ti dhesẹ evaọ abọ nọ uzoẹme riẹ o rọ “Ẹkiẹ Ẹme Ọghẹnẹ Ọ rẹ Wha Omosasọ Ze.” Oruẹme ọrara nọ ọ te ziọ okokohọ na o ti dhesẹ okugbe nọ ọ rọ ẹkiẹ rueva kpohọ eware ididi Ọghẹnẹ gbe usiuwoma ota okenọ ọ te ta kpahe onọ na “Ẹvẹ Who Rri Usiuwoma Ota Uvie Na?”

Ẹvẹ esẹ gbe ini a sai ro fiobọhọ kẹ emọ rai tọ didi kpohọ Ẹme Ọghẹnẹ? A te kẹ ẹjiroro obufihọ evaọ ẹme na “Fi Ẹme Ọghẹnẹ Họ Eva Emọ Ra.” Izoge Ileleikristi e tẹ nyusu kugbe enọ e kpako ziezi evaọ abọ-ẹzi evaọ ukoko na, u re kpomahọ ai wowoma. A ti dhesẹ iriruo epanọ u re ro kpomahọ ai ziezi evaọ abọ nọ ọ ta nọ “Izoge Nọ I re Wuhrẹ No Obọ Ekpako Ze.”

Eme jabọ ma jẹ roma totọ kiẹ kpohọ efe abọ-ẹzi nọ a sino evaọ oke nana? Jihova yọ Ọnọ Ọ rẹ Fere eware ididi Via. Oruẹme ọrara na o ti dhesẹ oware nọ Jihova o dhesẹvia no evaọ oke anwae gbe oke nana evaọ ẹme na “Jihova O Re Rovie Eware Ididi Ẹmẹrera.” Onana o te bọ ọtamuo mai ga re ma ruabọhọ “ẹkiẹ rueva ọ eware ididi Ọghẹnẹ na.”

M’omaa enẹna re whọ jariẹ. Ahwo nọ a gwọlọ nọ a rẹ rehọ ame-ọhọ dhesẹ omarọkẹ Jihova rai via a rẹ vuẹ ọsẹro ukoko na ababọ oke oraha. Eware nọ ma ti yo e te bọ isiuru mai nọ ma rẹ rọ kiẹ kpohọ Ẹme Ọghẹnẹ na gaga. Fikiere jọ ẹdẹ obọdẹ ọrọ uthubro abọ-ẹzi nana ọ vrẹ owhẹ hẹ!