Ẹkpẹti Onọ

◼ Kọ u fo re a fi omaa ẹkwotọ ukoko na nọ a drọ fihọ Ọgwa Uvie na?

E, u fo re a fi omaa ẹkwotọ na nọ a drọ fihọ ebọdo eva ugbẹhẹ Ọgwa Uvie na. Orọnikọ ebọdo ovuẹ na a re fi omaa na họ họ. U re dhesẹ iwhru ẹkwotọ nọ a kẹ ukoko na kpobi je dhesẹ iwhru ẹkwotọ ọvuọvo riẹ avọ inọmba riẹ. A rẹ drọ iwhru ẹkwotọ ikoko kpobi nọ e be jọ Ọgwa Uvie na ru iwuhrẹ fihọ iẹe. Onana u ti fiobọhọ kẹ iwhowho-uvie gbe ahwo ọkpokpọ nọ a wo isiuru re a riẹ ukoko nọ u wo ẹkwotọ nọ a be rria. Nọ a tẹ drọ eria nọ itu ọ Uwuhrẹ Obe Ukoko e rrọ fihọ omaa na u ti je fiobọhọ kẹ ahwo kpobi re a riẹ utu uwuhrẹ obe ukoko nọ a fi rai họ. A re ru omaa na kpokpọ nọ inwene e tẹ roma via.

Omaa utioye na nọ a re wo o rẹ hae kareghẹhọ iwhowho-uvie na kpobi inọ, o tẹ lọhọ, u re woma re ohwo o wo ẹkwotọ iruo obọriẹ. Omaa na u re fiobọhọ kẹ ahwo nọ a gwọlọ salọ ẹkwotọ nọ ọ kẹle uwou rai. Ẹsejọ o rẹ sae whaha oke oraha eva etoke iwuhrẹ kẹ usiuwoma ota, fiobọhọ kẹ ọnọ ọ be rẹro te usiuwoma ota na re ọ kpọ utu iwhowho uvie kpohọ oria nọ ọ ghale kẹ ae re a jọ ruiruo vẹrẹ.

Omaa na u re je dhesẹ nọ ukoko na o ruẹrẹ oma họ re u whowho ovuẹ Uvie na ziezi evaọ ẹkwotọ nọ a kẹ riẹ.—Luk 9:6.