UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 8/08 ẹwẹ. 4
  • Kọ Whọ Be Rehọ iẹe Ruiruo Vọvọ?

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Kọ Whọ Be Rehọ iẹe Ruiruo Vọvọ?
  • Odibọgba Uvie Mai—2008
  • Onọ O Wọhọ E Riẹ
  • Uzoẹme Okpokpọ Nọ A Kere Rọkẹ Ẹtohọ Ebe-Iwuhrẹ Ebaibol
    Odibọgba Uvie Mai—2010
  • Rọkẹ Enọ I Bi Se Uwou-eroro Na
    Uwou-Eroro Na Nọ U Bi Whowho Uvie Jihova—2008
  • Inwene Obọdẹ Evaọ Emagazini Uwou-Eroro Na!
    Odibọgba Uvie Mai—2007
  • Uzoẹme Jọ nọ A Gwọlọ Nwene Evaọ Uwou-Eroro Na
    Odibọgba Uvie Mai—2012
Ruẹ Efa
Odibọgba Uvie Mai—2008
km 8/08 ẹwẹ. 4

Kọ Whọ Be Rehọ iẹe Ruiruo Vọvọ?

1 Nọ oniọvo-ọmọtẹ jọ o se Uwou-Eroro ọ January 1, 2008 no, ọ tẹ ta nọ: “Me re mu ei họ eroruiruo evaọ odibọgba na ababọ oke-oraha!” Kọ whọ kiẹ izoẹme jọ nọ e be hae romavia ẹsikpobi evaọ uvitha ẹgbede na riwi no, kọ who duku idhere jọ nọ whọ sae rọ rehọ ai ruiruo ziezi no evaọ odibọgba na?

2 “Oware nọ Ma Wuhrẹ Mi Jesu”: Ẹsejọhọ whọ be hae rehọ uzoẹme nana to obe-uwuhrẹ Ebaibol họ. Otẹrọnọ who ri mu ere họ eru hu, daoma se uzoẹme na kẹ ohwo nọ who bi lele t’ẹme, kẹsena who ve dhesẹ oware nọ Jesu ọ ta kpahe ẹme na kẹe wọhọ epanọ a kere fihọ edhe-ẹme ọsosuọ na. Nọ ohwo na o te dhesẹ isiuru, daoma t’ẹme na haro ẹkwoma eroruiruo izoẹme-esese na nọ e rrọ enọ nọ i re duobọte iroro ohwo. Ta kẹ ohwo na re ọ kpahe fihọ onọ na. Rọ omoke kpẹkpẹe t’ẹme kpahe iwoho nọ e riẹ, who ve kpohọ edhe-ẹme nọ ọ kẹle riẹ. Whọ sae jọ iweze ọsosuọ t’ẹme kpahe idhe-eme jọ evaọ uzoẹme na, kẹsena nọ who te zihe oke ọfa whọ vẹ t’ẹme kpahe idhe-eme nọ i kiọkọ. Ruẹrẹ oma kpahe re whọ rehọ obe ọ Ebaibol Wuhrẹ na rọ ruabọhọ uwuhrẹ na.

3 “Igogo Eware nọ E rẹ Lẹliẹ Uviuwou Wo Evawere”: A be hae jọ otọ uzoẹme nana t’ẹme kpahe eware sa-sa nọ i re fi obọ họ kẹ ezae, eyae gbe esẹgbini re a ruẹ epanọ a re ro fi ehri-izi Ebaibol họ iruo ro ku ebẹbẹ nọ e rẹ raha udhedhẹ uviuwou họ. Whọ sae jẹ rehọ uzoẹme nana fi obọ họ kẹ ahwo nọ a rrọ ukoko na ha re a ruẹ eme areghẹ nọ e rrọ Ebaibol na.—2 Tim. 3:16, 17.

4 Izoẹme Rọkẹ Izoge Na: Uzoẹme ọ “Rọkẹ Izoge Na,” o be hai wo eria nọ ohwo nọ o bi sei ọ rẹ sai kere oware nọ o roro kpahe ikuigbe Ebaibol yena fihọ. Whọ sae rehọ uzoẹme nana fi obọ họ kẹ izoge nọ whọ nyaku evaọ odibọgba na re a ruẹ erere nọ o rrọ Ẹme Ọghẹnẹ nọ a re wuhrẹ. (Ol. 119:9, 105) Who te bi lele esẹgbini t’ẹme, whọ sae rehọ uzoẹme ọ “Wuhrẹ Emọ Ra” nọ o be hae romavia na ruiruo. Izoẹme nana e sai fi obọ họ kẹ emaha wuhrẹ eware ezi mi ahwo nọ a gbiku rai fihọ Ebaibol na. Kọ who ru uvẹ fihọ nọ whọ be hai ro se uzoẹme nana kugbe emọ ra?

5 Izoẹme Efa: Evaọ uvitha Uwou-Eroro ẹgbede na kpobi, uzoẹme na “Enọ I bi s’Ebe Mai A Nọ Inọ” o rẹ kuyo onọ jọ nọ ahwo nọ a rrọ ukoko na ha a rẹ sae nọ. Whọ sae t’ẹme kpahe uzoẹme nana nọ who te bi fi emagazini na họ ada evaọ usiuwoma ota n’uwou ruọ uwou. Uzoẹme na “Ileta nọ I No Obọ . . . Ze,” yọ onọ imishọnare gbe amọfa a jọ gbiku omarai nọ o ta kpahe oghoghẹrẹ use-abọ nọ a rẹriẹ ovao dhẹ evaọ odibọgba na. Izoẹme nana e sai fi obọ họ kẹ enọ i wo isiuru kpahe uzẹme na ruẹ inọ akpọ na soso ma be jọ ta usiuwoma na, evaọ orugba oka ọzino Kristi.—Mat. 24:3, 14.

6 Uzoẹme na “Si Kẹle Ọghẹnẹ” nọ a be hae rehọ no isase Ebaibol rọkẹ Isukulu Odibọgba Esuo-Ọghẹnẹ ze na, o sae kpare isiuru enọ i wo evezi re a gbẹ gwọlọ wuhrẹ kpahe Jihova. A be hai kere uzoẹme na “Raro Kele Ẹrọwọ Rai” re u fi obọ họ kẹ ohwo nọ o bi sei na jọ iroro riẹ ruẹ eware nọ a gbiku rai fihọ Ebaibol na, oghẹrẹ uzuazọ nọ ahwo nọ o bi se kpahe na a yeri gbe ẹrọwọ rai.

7 Eva e be were omai nọ ma be hai ro wo uvitha Uwou-Eroro Na ẹsikpobi nọ a ruẹrẹhọ kẹ efihọ ada. Fikiere, joma daoma re ma hai sei, re ma ruẹse riẹ eware nọ e riẹe eva jẹ rehọ iẹe ruiruo ziezi evaọ odibọgba na.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa