Ẹkpẹti Onọ

◼ Kọ te ọsẹ te oni a rẹ n’iyẹrẹ oke nọ a ro ru uwuhrẹ uviuwou?

Dede nọ esẹ họ ahwo nọ a mai wo owha-iruo nọ a rẹ rọ yọrọ emọ rai “yo ẹme je wuhrẹ ai orọ Ọnowo na,” te ọsẹ te oni na a gbe wo owha-iruo na kugbe. (Ẹf. 6:4) Ebaibol e tuduhọ emọ awọ inọ: “Ọmọ mẹ, yo oghrẹ ọsẹ ra, whọ jẹ uwuhrẹ oni ra fiẹ hẹ.” (Itẹ 1:8) Obọdẹ edhere jọ nọ esẹgbini a re ro wuhrẹ emọ rai họ ẹkwoma uwuhrẹ Ebaibol uviuwou.

Evaọ oke nọ u kpemu, ọsẹ hayo oni nọ o bi ru uwuhrẹ uviuwou kugbe emọ rai nọ e re họ-ame he ọ rẹ n’iyẹrẹ oke na, o tẹ make rọnọ ọsẹ avọ oni na a gbe w’obọ evaọ uwuhrẹ na. Rekọ, ma be jọ onana ru enwene. Otẹrọnọ evaọ etoke uwuhrẹ na te ọsẹ te oni na a w’obọ evaọ ewuhrẹ emọ na, aimava na a re kele ọvuọ auwa ọvo riẹ evaọ ẹkpoka wọhọ oke nọ a rọ ta usiuwoma. Evaọ uzẹme, esẹgbini a rẹ raha vrẹ auwa ọvo evaọ ẹkpoka ro wuhrẹ emọ rai. Ewuhrẹ emọ o gwọlọ omodawọ ẹsikpobi mi ọsẹgboni na. (Izie. 6:6-9) Dede na, oke nọ a ro kpohọ usiuwoma ota oye o rẹ jọ ugogo oke nọ u re bu evaọ iyẹrẹ rai kamara kamara. Fikiere, otẹ make rọnọ uwuhrẹ na u kri vrẹ auwa ọvo, a ru rie vrẹ ẹsiẹvo eva ẹkpoka, hayo ọsẹgboni na a ku emọ na kpobi kugbe wuhrẹ ẹsiẹvo na ha, auwa ọvo wha re kele evaọ ẹkpoka. Omọvo evaọ usu ọsẹgboni na ọ rẹ n’iyẹrẹ Uwuhrẹ Ebaibol uviuwou na, gbe ozihebro ọvo evaọ ẹkpoka kpobi nọ a ro ru uwuhrẹ na.