Ma Gbẹ te Jọ Iwuhrẹ Omakugbe kẹ Usiuwoma Ota Se Ikere Okpẹdẹ Hẹ
Evaọ anwẹdẹ, ẹsejọ ma re se ikere okpẹdẹ evaọ iwuhrẹ omakugbe kẹ usiuwoma ota otẹrọnọ u kie kpahe odibọgba na. Ma bi nwene onana. No umuo enẹnẹ vrẹ ohwo ọvo ọ gbẹ rehọ Ẹkiẹriwo Ikereakere na Kẹdẹ Kẹdẹ ru ewuhrẹ omakugbe kẹ usiuwoma ota ha. Wọhọ epaọ anwẹdẹ, ọnọ o bi ru uwuhrẹ na ọ sai rehọ eme no Ebaibol na ze, Odibọgba Uvie Mai, obe ọ Isukulu Odibọgba na, obe ọ Reasoning, gbe ebe mai efa nọ e ta kpahe odibọgba na. Enọ a salọ re a ru uwuhrẹ na a rẹ ruẹrẹ ugogo oware jọ kpahe nọ u re fi obọ họ kẹ inievo nọ i bi kpọhọ usiuwoma ẹdẹ yena. Wọhọ epaọ anwẹdẹ, ewuhrẹ nana u re theri vrẹ iminiti 10 rite 15 hi, yọ o rẹ kpẹre viere otẹrọnọ u lele ewuhrẹ ukoko.