“Me Gbe bi Di iei Họ Uwou Hu!”

Kọ whọ ta ere kpahe ohwo jọ nọ o dhesẹ isiuru no? Dede nọ whọ daoma zihe unuẹse buobu no, o rrọ bẹbẹ re who ku ame ku ubi uzẹme nọ whọ kọ na. (1 Kọr. 3:6) Evaọ ẹsejọ, iwhowho-uvie jọ a re kere ileta se ohwo nọ a bi gbe dihọ uwou ho, hayo a ve kere omobe jọ fihọ ẹthẹ ohwo na. Iwhowho-uvie jọ a riẹ nọ o te jọ bẹbẹ re a wariẹ di ohwo na họ uwou, fikiere a rẹ nọ ohwo na nọ “Kọ whọ sae kẹ omẹ inọmba ifonu ra?” Ma rẹ sae niyẹrẹ ozihebro nọ ma te zihe bru ohwo na, kere ileta sei, rọ ifonu hayo itanẹte vi uwou sei, kere omobe jọ fihọ ẹthẹ riẹ hayo rọ ifonu sei. O tẹ make rọnọ ma re di ei họ uwou tere he, ma sae gbẹ ta ẹme kẹe ghele.