UZUAZỌ OLELEIKRISTI
Jiri Jihova Ẹkwoma Iruo Ọkobaro nọ Who re Ru
Ahwo Izrẹl na a wo emamọ ẹjiroro nọ a re ro jiri Jihova. Jihova họ ọnọ o siwi rai no Ijipti jẹ thọ ae no obọ ogbaẹmo Fẹro! (Ọny 15:1, 2) Jihova o gbe bi ru ewoma kẹ idibo riẹ nẹnẹ. Ẹvẹ ma sai ro dhesẹ nọ oware nọ Jihova o bi ru kẹ omai na o da omai ẹro fia?—Ol 116:12.
Edhere jọ nọ ma sai ro ru onana họ, ma re ru ọkobaro obufihọ hayo ọrọ oke-kpobi. Whọ sae lẹ se Jihova re o fiobọhọ kẹ owhẹ wo isiuru gbe ogaga nọ whọ sai ro ru iruo ọkobaro. (Fil 2:13) Ahwo buobu a rẹ kake rọ ọkobaro obufihọ ro muhọ. Nọ who te bi ru ọkobaro obufihọ, whọ sae salọ nọ whọ rẹ niyẹrẹ euwa ọgba hayo udhuvẹ-gbikpe evaọ amara Asa gbe Ane jegbe amara nọ ọsẹro okogho o ro weze ziọ ukoko ra. Nọ who te ru ọkobaro obufihọ jẹ ruẹ oghọghọ nọ u re noi ze no, u ti ru nọ whọ te rọ gwọlọ mu ọkobaro oke-kpobi họ. Makọ ahwo nọ a bi ru iruo no ẹdọvo-oka rite edisoi-oka hayo enọ oma rai o ga tere he dede, a be sai ru ọkobaro oke-kpobi. (mwb16.07 8) Uzẹme riẹ họ, ma sae rehọ oke gbe ẹgba mai kpobi ru iruo ọkobaro na, keme Jihova o fo ọnọ ma re jiri!—1Ir 16:25.
WHA RRI IVIDIO NA INIEVO-EMETẸ ESA EVAỌ OBỌ MONGOLIA, KẸSENA WHA VẸ KIYO ENỌ NANA:
Ebẹbẹ vẹ inievo-emetẹ esa na a fi kparobọ re a sai ru iruo ọkobaro?
Eghale jọ vẹ i te rai no?
Kọ uvẹ iruo sa-sa vẹ u rovie fihọ kẹ ae fikinọ a je ru iruo ọkobaro oke-kpobi na?
Oghẹrẹ vẹ oriruo rai u ro fiobọhọ kẹ amọfa no?