“Uyoyou nọ Kristi na o wo o be wọ omai.”—2Kọ 5:14
UZUAZỌ OLELEIKRISTI
Kọ Who ti Ru Ọkobaro Obufihọ Evaọ Asa Hayo Ane?
Kọ whọ gwọlọ wobọ viere evaọ egagọ Jihova? Etoke Ekareghẹhọ na yọ obọdẹ uvẹ nọ whọ sai ro ru ere. (2Kọ 5:14, 15) Evaọ amara Asa gbe Ane, ekobaro obufihọ a sae salọ nọ a re ru euwa ọgba hayo udhuvẹ-gbikpe. Otẹrọnọ whọ sai ru ọkobaro obufihọ, fili efọmo re whọ rehọ iẹe kẹ Ogbẹgwae Iruo Ukoko na. Kamara kamara, a te hai whowho edẹ ahwo nọ a kuenu kẹ no nọ a ti ru ọkobaro obufihọ rọkẹ ukoko na. A te hai ru onana re inievo ukoko na a hai kuomagbe ekobaro na kpohọ usi uwoma ota re a sai ru euwa rai gba. Fikiere, jọ omai kpobi ma rehọ uvẹ nana nọ u rovie fihọ kẹ omai evaọ etoke Ekareghẹhọ na ru onaa usi uwoma ota mai woma viere jẹ tuduhọ ohwohwo awọ.—1Tẹ 5:11.