Fiobọhọ kẹ Emọ-Uwuhrẹ Ebaibol Ra re A Mu Iwuhrẹ Họ Ẹnyaze

Evaọ egagọ uzẹme, iwuhrẹ ukoko nọ ma rẹ nya i wuzou gaga. (Ol 22:22) Nọ mai kpobi te kokohọ be gọ Jihova, ma re wo oghọghọ gbe eghale buobu. (Ol 65:4) Nọ ahwo nọ ma bi wuhrẹ Ebaibol na kugbe a te bi kpohọ iwuhrẹ ẹsikpobi, ẹsiẹe a mai ro wo ẹnyaharo.

Ẹvẹ whọ sai ro fiobọhọ kẹ emọ-uwuhrẹ Ebaibol ra re a mu iwuhrẹ họ ẹnyaze? Hai zizie ai kẹse kẹse. Dhesẹ ividio na rọkẹ ai, Eme A rẹ Jọ Ọgwa Uvie Ru? Vuẹ ai kpahe irere nọ ma rẹ jọ iwuhrẹ na wo. (lff uwuhrẹ 10) Whọ sae jẹ vuẹ ai kpahe ugogo oware jọ nọ whe wuhrẹ no evaọ iwuhrẹ na, hayo oware nọ a ti wuhrẹ evaọ ewuhrẹ ọfa nọ wha te nya. Kẹ ai ebe nọ ma re ro ru ewuhrẹ. U te no ere no, fiobọhọ kẹ ai nọ a tẹ gwọlọ obufihọ epanọ a sae rọ ziọ iwuhrẹ na. Riẹ nọ obọ nọ whe fihọ kpobi o te jọ uvrẹvru hu nọ ọmọ-uwuhrẹ Ebaibol ra ọ tẹ ginẹ ziọ ewuhrẹ.—1Kọ 14:24, 25.

WHA RRI IVIDIO ODHESẸVIA NA FIOBỌHỌ KẸ EMỌ-UWUHRẸ EBAIBOL RA RE A HAI KPOHỌ IWUHRẸ, KẸSENA WHA VẸ KIYO ENỌ NANA:

• 

  Eme a jẹ ta kpahe nọ u rovie uvẹ fihọ kẹ Neeta nọ o ro zizie Jade ziọ ewuhrẹ?

• 

  Eme o rẹ lẹliẹ eva were omai nọ ọmọ-uwuhrẹ Ebaibol mai ọ tẹ ziọ ewuhrẹ?

• 

  Eme Jade ọ ruẹ evaọ ẹdẹ ọsosuọ nọ ọ rọ ziọ ewuhrẹ?