Fiobọhọ kẹ Emọ-Uwuhrẹ Ebaibol Whaha Ekpehre Usu

Re emọ-uwuhrẹ Ebaibol a sae jọ egbẹnyusu Jihova, o gwọlọ nọ a rẹ salọ emamọ egbẹnyusu. (Ol 15:1, 4) Emamọ egbẹnyusu i ti fiobọhọ kẹ ae ru oware uwoma.—Itẹ 13:20; lff uwuhrẹ 48.

Nọ who te bi fiobọhọ kẹ emọ-uwuhrẹ Ebaibol ra re a whaha ekpehre usu, fi omara họ uyero rai re whẹ rọ ere fiobọhọ kẹ ae. O sae jọ bẹbẹ kẹ ae re a bru usu no egbẹnyusu rai nọ a wo vẹre. Fikiere, ru eware nọ i re dhesẹ kẹ ae nọ whe bi roro kpahe ae kẹse kẹse orọnikọ okenọ wha tẹ gwọlọ wuhrẹ ọvo ho. Whọ sae rọ ifonu se ai, vi uwou se ai, hayo weze kpobọ uwou rai evaọ oke gheghe. Nọ emọ-uwuhrẹ Ebaibol ra a bi wo ẹnyaharo na, whọ sai zizie ai re a kuomagbe inievo efa nọ wha te bi ru aroza omakugbe jọ. Oyena u ti ru nọ a te rọ ruẹ nọ oware ovo u bi vru mi ai hi. (Mak 10:29, 30) Who ti je wo oghọghọ re nọ whọ be ruẹ nọ uviuwou Jihova u bi bu na.

WHA RRI IVIDIO ODHESẸVIA NA FIOBỌHỌ KẸ EMỌ-UWUHRẸ EBAIBOL RA WHAHA EKPEHRE USU, KẸSENA WHA VẸ KIYO ENỌ NANA:

• Oghẹrẹ usu vẹ họ ekpehre usu?—1Kọ 15:33

• Oghẹrẹ vẹ Jade o je roro nọ aroza omakugbe Ileleikristi o rẹ jọ?

• Oghẹrẹ vẹ Neeta o ro fiobọhọ kẹ Jade wo emamọ egbẹnyusu?