Usi-Uwhowho Obọdẹ nọ Ma te Jọ Vuẹ Ahwo Kpahe Uvie Ọghẹnẹ Evaọ Amara Azie!

Evaọ amara Azie, ma te daoma vuẹ ahwo buobu inọ Uvie Ọghẹnẹ ọvo u ti ku ebẹbẹ ahwo-akpọ họ. (Mt 24:14) Ẹvẹ whọ sai ro ru ei? Daoma se oria Ebaibol jọ nọ o ta kpahe Uvie Ọghẹnẹ kẹ ahwo buobu evaọ amara Azie na. Otẹrọnọ ohwo jọ ọ gaviezọ kẹ owhẹ ziezi, kẹe Uwou-Eroro uvitha ẹgbede Ọrọ avọ 2 2020 na. Kẹsena who ve zihe bru ohwo na ababọ oke oraha, jẹ rehọ ibroshọ Reawere Uzuazọ Bẹdẹ Bẹdẹ! na mu uwuhrẹ Ebaibol họ kugbe ohwo na. Ahwo kpobi nọ a ti ru ọkobaro obufihọ evaọ amara Azie na, a sae salọ nọ a re ru euwa ikpegbisoi hayo euwa ọgba.

Kẹle na, Uvie Ọghẹnẹ o te raha udu-esuo kpobi nọ o be wọso ẹe no. (Da 2:44; 1Kọ 15:24, 25) Jọ omai kpobi ma rehọ uvẹ usi-uwhowho obọdẹ nana nọ u rovie fihọ na ro dhesẹ nọ abọ Jihova gbe Uvie riẹ ma rrọ!