Oware nọ U re Fiobọhọ kẹ Owhẹ Ru Ekiakiẹ

Eware nọ A re ro Wuhrẹ Emaha

Ebaibol ọ ta nọ jọ esẹgbini a wuhrẹ emọ rai kpahe Jihova. Nọ oware nọ a rẹ rọ zaro vievie he. (Ẹf. 6:4) Ukoko Jihova u ru eware buobu nọ esẹgbini a re ro wuhrẹ emọ rai. Kọ ẹvẹ whọ sae rọ rehọ ae wuhrẹ emọ ra?

• Kpohọ oria nọ e rrọ. Ma fi eware kpobi nọ a re ro wuhrẹ emaha na họ JW.ORG. Te ividio, te iwoho, gbe ekade.a Whọ tẹ gwọlọ ruẹ e rai, kere “Emọ” hayo “Izoge” fihọ oria nọ a rẹ jọ gwọlọ oware evaọ jw.org.

• Rovie onọ who rri nọ o te mai fiobọhọ kẹ ọmọ ra. A fi eware buobu nọ who re ro wuhrẹ emọ ra họ oria “Emọ” evaọ jw.org. Kọ ẹme vẹ whọ sae rọ gwọlọ ae? Ẹme na họ “Eware nọ A re ro Ru Egagọ Uviuwou.”

• Ta ẹme kpahe iẹe. Orọnikọ whọ rẹ rehọ ividio hayo ekade na kẹ ọmọ ra inọ ọ rọ zaro ho. Rekọ whọ rẹ rehọ ai wuhrẹ ọmọ na re ọ riẹ nọ u fo re o ru oware nọ o rẹ were Jihova.