Ẹkpẹti Onọ

◼ Didi irere e rrọ ekpohọ ukoko nọ u wo ẹkwotọ nọ ma be rria?

Ro no ọruẹrẹfihotọ ukoko na ze, ma re wo uduotahawọ nọ o rẹ ‘jaja omai oma dhesẹ uyoyou gbe iruo iwoma.’ (Hib. 10:24, 25) Ẹkwoma ukoko na ma re wuhrẹ uzẹme na jẹ thoma kpahe re ma ru iruo ọ aru-ilele mai na gbunu. (Mat. 28:19, 20) A rẹ jẹ bọ omai ga re ma thihakọ edawọ avọ ẹrọwọ yọ ma wo esẹro iyoyou nọ i re fi obọ họ k’omai dadamu kẹ otunyẹ awa ologbo. O rrọ vevẹ, ukoko na u w’uzou gaga evaọ ẹzọ abọ-ẹzi mai. Dede na, kọ irere jọ e rrọ ekpohọ ukoko nọ u wo ẹkwotọ nọ ma be rria?

Iyero ahwo kpobi e rrọ epọvo ho, yọ eware wọhọ iruo okọ, ọrivẹ-orọo nọ o kurẹriẹ hẹ, gbe efa e rẹ sai kpomahọ iroro nọ ohwo ọ rẹ jẹ evaọ abọ nana. Ghele na, irere e riẹ, te erọ abọ-ẹzi gbe efa, evaọ okenọ ohwo ọ tẹ rrọ ukoko nọ u wo ẹkwotọ nọ ọ be rria. Ekpako na e rẹ sae nya te iwhowho-uvie na kpobi oma vẹrẹ vẹrẹ evaọ etoke oware idudhe. Ekpẹti Enọ nọ e vrẹ no e fodẹ irere efa jọ buobu.—June 1991, August 1976, gbe January 1968 (erọ Oyibo).

Wọhọ epanọ ma riẹ, o rẹ mai kiehọ oma re a kpohọ iwuhrẹ nọ e kẹle ohwo oma, o rẹ k’omai uvẹ nọ ma re ro t’obei ẹruoke re ma t’ẹme kugbe amọfa, rẹrote eware nọ i w’uzou, je w’obọ evaọ ole gbe olẹ emuhọ. Okenọ ahwo ọkpokpọ nọ a wo isiuru a tẹ rrọ okegbe mai, mai o rẹ mai kiehọ kẹ re ma nya bru ai, ru obe-uwuhrẹ Ebaibol kugbe ai, je zizie ai kpohọ iwuhrẹ nọ e rẹ mai kiehọ ae oma.

Ma fi eva họ nnọ enọ i w’uzou uviuwou a te rehọ oma olẹ roro kpahe ẹme nana, roma totọ wawo eware nọ i fo re a jiroro nọ e mai woma rọkẹ ewoma abọ-ẹzi gbe ọrọ abọ-iwo iviuwou rai.—1 Tim. 5:8.