¿Tzet xhtanhoj tzetet ayayoj sat txʼotxʼ txʼotxʼ?

JILAʼ TZET YALNI TEʼ BIBLIA

«Haʼ Komam sunujiloj yal sat hebʼ yaʼ, matxa bʼaqʼinh chuhuj kamikal, matxa oqʼilal, matxa mak chʼahoj skʼul, matxa mak chʼabʼenoj syaʼtajil, haxka tzettikʼa ye yet yalanhto xax tanhkanoj.» (Apocalipsis [Revelación] 21:4, Teʼ Nuevo Testamento Yin̈ Abʼxubʼal, akʼnhebʼil tzʼibʼ.)

TZET SKʼULAL CHAKANOJ JET JOTAJNHENI

Tzetet xhkomunlanheʼ satnoj yinh kʼul bʼoj chahaʼ tzalalal jet (Isaías 65:21-23).

Matxa xhjilaʼ syaʼtajil bʼoj matxa chonh yabʼilnoj (Isaías 25:8; 33:24).

Chonh ehokʼoj yinh tzalalal skʼatanh kofamilia bʼoj yaqʼbʼilxa jet anmahil sunilbʼal qʼinal (Salmo 37:11, 29).

¿CHUH JAʼNI YULUJ KOKʼUL YINH TZET CHAL TEʼ BIBLIA?

Hoʼ. Jilaʼ kabʼoj tzetet chʼaʼni jahaʼ yuluj kokʼul:

• Komam Dios chuh yuni yaʼ tzetet albʼilkanoj yuh. Sat teʼ Biblia chʼal-laxi ta hanhkʼanhe yaʼ sunil chuh yuni, yip yaʼ mach skachnabʼanil (Apocalipsis [Revelación] 15:3). Yuxin yet chalten yaʼ ta xhwatxʼojiloj sat txʼotxʼ txʼotxʼ, chuh jaʼni yuluj kokʼul ta chuhapnoj yuh yaʼ. Hakatikʼa yalni teʼ Biblia «sunil chuh yuh Komam» (Mateo 19:26).

• Komam Dios kaw choche yaʼ syijyeʼ tzetet albʼilkanoj yuh. Hakana anma xax kamtoj , teʼ Biblia chal teʼ ta Komam Jehová matxa xhtecha yuh yaʼ spitzkʼankanh hebʼ yaʼ (Job 14:14, 15).

  Chalpax teʼ Biblia ta yaʼ Jesús, Skʼahol Komam Dios, yanhte yaʼ anma. ¿Tzet yuxin yuh yaʼ? Haʼ xoche skʼul yaʼ yubʼ (Marcos 1:40, 41). Tzet yuh yaʼ tiʼ haʼ syeniltoj ta kaw choche Komam Dios kolwahoj yinh anma yaʼtaj chʼekʼyuh (Juan 5:19).

  Qʼahan tiʼ chʼaʼni jahaʼ yuluj kokʼul ta Komam Jehová bʼoj yaʼ Jesús choche hebʼ yaʼ huneʼ skʼulchʼanil jet (Salmo 72:12-14; 145:16; 2 Pedro 3:9).