¿Tzet humal teʼ Biblia ta wet?
¿Chawalaʼ ta . . .
... yitzʼatil swiʼ naj winaj?
... huneʼ hum yet ikʼtiʼ?
... Stzotiʼ Komam Dios?
JILAʼ TZET YALNI TEʼ BIBLIA
«Sunil tzet ahayoj yul Yum Komam Dios, haʼ Komam xʼaʼni tzʼibʼnhelaxoj.» (2 Timoteo 3:16, Teʼ Nuevo Testamento Yin̈ Abʼxubʼal, akʼnhebʼil tzʼibʼ.)
TZET SKʼULAL CHAKANOJ JET JOTAJNHENI
Xhchalohoj spaj kaw tʼinhan jabʼenoj tet hej qʼambʼebʼal yibʼanhiloj koqʼinal (Proverbios 2:1-5).
Aynhetikʼa tzet xhkolwahoj jinh hunun hekal (Salmo 119:105).
Chahaʼ skawxobʼal kokʼul yinh tzet xhtitoj kosataj (Romanos 15:4).
¿CHUH JAʼNI YULUJ KOKʼUL YINH TZET CHAL TEʼ BIBLIA?
Hoʼ, Jilaʼ oxebʼoj tzetet chʼaʼni jahaʼ yuluj kokʼul:
Mach nanantajojnhe tzet chal teʼ. Teʼ Biblia xtzʼibʼnhelax teʼ yuh 40 hebʼ yaʼ winaj yulbʼal 1.600 habʼil. Txʼihal hebʼ yaʼ mach xotajnhe sbʼa, yajaʼ teʼ Biblia mach nanantajojnhe tzet chal teʼ. Chakoj teʼ smay sbʼih Komam Dios ta hayaʼ Yahaw yekoj yinh sunil tzetet.
Mach tzetet xebʼahayoj hebʼ yaʼ xtzʼibʼnhen teʼ. Hebʼ yaʼ stzʼibʼnhen tzet chʼekʼtoj yinh hej konhobʼ chebʼahayoj hebʼ yaʼ tzet xtxʼojal chaʼle skonhobʼ. Walpaxoj hebʼ yaʼ xtzʼibʼnhen teʼ Biblia mach xebʼahayoj hebʼ yaʼ smul bʼoj xtxʼojal xaʼle skonhobʼ (2 Crónicas 36:15, 16; Salmo 51:1-4).
Tzet albʼilkanoj yuh teʼ masan chijsbʼa. 200 habʼil yalanhto maxhto xhtanhiloj huneʼ payat konhobʼ Babilonia albʼilxakanoj yuh teʼ Biblia (Isaías 13:17-22). Mach tonhehoj xal teʼ tzet chuh stanhojiloj, xalpaxkanoj teʼ sbʼih yaʼ xʼaʼni howal bʼoj hebʼ yaʼ (Isaías 45:1-3).
Ay yaqʼbʼilxa tzet albʼilkanoj yuh teʼ Biblia kaw haktuʼ yuh yijnisbʼa. Hatuʼ xhjechma yinh Stzotiʼ Komam Dios, ¿yeli? (2 Pedro 1:21.)
QʼAMBʼE TA WET
¿Tzet chuh skolwahoj Stzotiʼ Komam Dios jinh?
Xhchalohoj spaj chaʼ teʼ Biblia yinh ISAÍAS 48:17, 18 bʼoj 2 TIMOTEO 3:16, 17.