¿Mak yul sqʼabʼ aykoj txʼotxʼ txʼotxʼ tinanh?
¿Chawalaʼ ta . . .
... yul sqʼabʼ Komam Dios?
... yul sqʼabʼ naj winaj?
... yul sqʼabʼ naj Matzwalil?
JILAʼ TZET YALNI TEʼ BIBLIA
«Wal anma yet yul sat yibʼanh qʼinal tiʼ kaw ayayo yalanh yip naj matzwalil.» (1 Juan 5:19.)
Yaʼ «Jesucristo iskʼahol Komam Dios, hulikʼo yul sat yibʼanh qʼinal yunhe yetanto ismunil naj matzwalil tuʼ.» (1 Juan 3:8, Nuevo Testamento Yin̈ Abxubal, akʼnhebʼil tzʼibʼ.)
TZET SKʼULAL CHAKANOJ JET JOTAJNHENI
Xhkolwahoj jinh kotxumnuj bʼay xhtitkoj syaʼtajil (Apocalipsis [Revelación] 12:12).
Chaʼ skawxobʼal kokʼul ta xhwatxʼojiloj sat txʼotxʼ txʼotxʼ (1 Juan 2:17).
¿CHUH JAʼNI YULUJ KOKʼUL YINH TZET CHAL TEʼ BIBLIA?
Hoʼ, Jilaʼ oxebʼoj tzetet chʼaʼni jahaʼ yuluj kokʼul:
Chʼilaxojiloj naj Matzwalil yahawoj. Komam Jehová kaw choche yaʼ yiʼaʼloj yul sqʼabʼ naj Matzwalil txʼotxʼ txʼotxʼ. Albʼilxa yuh yaʼ ta skʼayaʼiloj yaʼ skanhil ye naj Matzwalil bʼoj swatxʼekoj yaʼ sunil tzet xax yetatoj naj (Hebreos 2:14).
Sikʼlebʼilxa yaʼ Jesucristo yokoj yahawoj txʼotxʼ txʼotxʼ yuh Komam Dios. Mach txʼojoj yaʼ haka naj Matzwalil. Yaʼ Jehová alnhekanoj ta yaʼ Jesucristo «chi tzʼahoj skʼul yaʼ yinh anma hun kwenta skʼul bʼoj mebʼaʼ [...]. Skoloʼ yaʼ anma tet tzetet xtxʼojal» (Salmo 72:13, 14, Traducción del Nuevo Mundo).
Komam Dios mach chuh sleqʼtiwi yaʼ. Haktuʼ yalni teʼ Biblia (Hebreos 6:18). Yuxin sunil tzetet chal Komam Jehová masan chijsbʼa (Isaías 55:10, 11). Albʼilkanoj ta chiʼaltoj «Komam naj yahaw [...] sat yibʼanh qʼinal tiʼ» (Juan 12:31, Teʼ Nuevo Testamento Yin̈ Abʼxubʼal).
QʼAMBʼE TA WET
¿Tzet taxka jilnoj sat txʼotxʼ txʼotxʼ yet matxa taj naj Matzwalil aykoj yahawoj?
Xhchalohoj spaj chaʼ teʼ Biblia yinh SALMO 37:10, 11 bʼoj APOCALIPSIS (REVELACIÓN) 21:3, 4.