JULAI 14-20
PRAVORBZ 22
Sang 79 An Prieya | Tingz We Wi Fi Luk Out Fa Iina Di Miitn (1 min.)
1. Tingz Fram Di Baibl We Kyan Elp Yu Fi Gruo Yu Pikni Dem Gud
(10 min.)
Elp yu pikni dem fi redi fi diil wid di prablem dem we dem a-go av iina laif (Pr 22:3; w20.10-E 27 ¶7)
Staat tiich dem fram dem baan (Pr 22:6; fl-E 115 ¶5)
Wen yu a jraa dem op, mek dem si se yu lov dem (Pr 22:15; w06-E 4/1 9 ¶4)
2. Di Preshos Tingz Fram Di Baibl
(10 min.)
Pr 22:29—Ou da vors ya kyan elp wi wen wi a du tingz iina di kanggrigieshan? (w21.08-E 22 ¶11)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 13:18-30 (th-E stodi 10)
4. Wen Wi Taak Tu Piipl Fi Di Fos Taim
(3 min.) WEN WI A PRIICH OUS TU OUS. (lmd lesn 5 paint 4)
5. Wen Wi Taak Tu Piipl Fi Di Fos Taim
(4 min.) PRIICH TU PIIPL ENIWE YU DE. Shuo di sumadi ou dem kyan fain tingz we kyan elp di mada an faada dem pan jw.org. (lmd lesn 1 paint 4)
6. Wan Baibl Taak
(5 min.) ijwyp-E nomba 100—Tapik: Wa Yu Fi Du Ef Yu Du Sitn We Yu Mada An Faada Se Yu No Fi Du? (th-E stodi 20)
Sang 134
7. Tek Taim Wid Yu Pikni Dem, Bot No Pwail Dem
(15 min.) Taak an kwestiyan.
It no iizi fi gruo pikni. Di mada an faada dem afi mek shuor se dem eva a spen taim wid dem pikni dem an dem no fi a rosh tingz wen dem a du it. (Dyu 6:6, 7) Wen di mada an faada dem aks dem kwestiyan an riili tek iin wa dem a se, a so dem a-go nuo wa de iina di pikni dem aat. (Pr 20:5) An dem afi tek taim wid di pikni dem, kaa dem mait-a afi tel dem sitn uova an uova bifuo di pikni dem get wa dem a se an du it.
Bot iivn duo di mada an faada dem fi a tek taim wid dem pikni dem, dem fi mek shuor se dem naa pwail dem. Jeuova se a di mada an faada dem fi mek dem pikni dem nuo wa dem kyan du an wa dem no fi du. So wen di pikni dem paas dem plies, dem fi jraa dem op.—Pr 6:20; 23:13.
Riid Ifiijan 4:31. Den aks da kwestiyan ya:
Wa mek di mada an faada dem no fi jraa op di pikni dem wen dem beks bad?
Riid Gyalieshan 6:7. Den aks da kwestiyan ya:
Wa mek it gud fi di mada an faada dem elp dem pikni dem fi si se wen dem du bad tingz dem a-go fiil it?
Plie di VIDIYO ‘Tek Taim Wid Unu Wan Aneda An Aalwiez Shuo Lov Wen Unu A Diil Wid Unu Wan Aneda’—Yu Pikni Dem. Den aks da kwestiyan ya:
Wa yu did lorn fram da vidiyo ya?
8. Di Baibl Stodi Fi Wi Miitn
(30 min.) lfb “Wan Leta We Kom Fram Di Govanin Badi,” di paragraaf we tel wi bout paat 1, an lesn 1