17 Raja Babilon ngangkat Matania pakliké Yéhoyakhin+ bèn dadi raja nggantèni Yéhoyakhin, terus ngganti jenengé Matania dadi Zédékia.+

18 Pas mréntah dadi raja, Zédékia umuré 21 taun lan mréntah suwéné 11 taun ing Yérusalèm. Ibuné jenengé Hamutal+ anaké Yérémia saka Libna. 19 Zédékia terus nindakké apa sing jahat nurut pandhangané Yéhuwah, kaya sing ditindakké Yéhoyakim.+ 20 Kuwi kelakon merga Yéhuwah nesu banget marang Yérusalèm lan Yéhuda nganti wong-wong kuwi disingkirké saka ngarepé.+ Akhiré, Zédékia mbrontak nglawan raja Babilon.+

11 Pas mréntah dadi raja, Zédékia+ umuré 21 taun lan mréntah suwéné 11 taun ing Yérusalèm.+ 12 Zédékia terus nindakké apa sing jahat nurut pandhangané Yéhuwah Gusti Allahé lan ora ngrendhahké dhiri ing ngarepé Nabi Yérémia+ sing ngomong nurut préntahé Yéhuwah.