Kántikus di Reinu ta djuda-nu ten koraji

Kantu Polu ku Silas staba na kadiâ es lova Deus ku kántiku. (At 16:25) Na nos ténpu, irmons ki staba prézu na un kanpu di konsentrason na Alimanha i otus ki podu na Sibéria, ta kantaba kántikus di Reinu. Kes izénplu li ta mostra forsa ki kántikus ten na djuda irmons ten koraji óras ki es ta pasa pa prublémas.

Ka ta dura, txeu língua ta ben ten un livru di kántiku novu, ku téma: “Cante de Coração para Jeová”. Lógu ki nu resebe nos livru, nu pode dekora létras di kántikus i trena-s na nos adorason na família. (Ef 5:19) Nton, spritu santu ta djuda-nu lenbra di kes létra óras ki nu sta pasa pa prublémas. Kántikus di Reinu pode djuda-nu konsentra na nos speransa. Es ta da-nu forsa óras ki nu sta pasa pa prublémas. I óras ki nu sta xinti dretu, kes létra ta pô-nu ta ‘kanta di korason’, pamodi nos korason sta ta xinti sábi. (1Cr 15:16; Sal 33:1-3) Nton, nu uza nos kántikus di Reinu dretu, pa es pode djuda-nu sirbi Jeová ku koraji!

ODJA VÍDIU UM CÂNTICO QUE NOS FORTALECEU I DIPÔS RESPONDE KES PERGUNTA LI:

• Kuzê ki poi irmon Frost ta faze un kántiku?

• Modi ki se kántiku djuda irmons na kanpu di konsentrason na Alimanha?

• Na ki situason di dia-dia kántikus di Reinu pode djuda-u?

• Ki kántikus di Reinu bu ta gostaba di dikora?