Tijonqo chirixebʼ li hermaan li nekeʼrahobʼtesiik

Li Santil Hu ak kixye chaq naq laj Tza tooxrahobʼtesi re naq tqakanabʼ puktesink (Jn 15:20; Ap 12:17). Ma wank kʼaru tqabʼaanu re xtenqʼankilebʼ li hermaan li yookebʼ chi rahobʼtesiik? Heeheʼ, tooruuq chi tijok chirixebʼ. Li Santil Hu naxye naq wank xwankil li xtij li winq li tiik xchʼool (Snt 5:16).

Kʼaru tqatzʼaama saʼebʼ li tij aʼin? Tqatzʼaama re li Jehobʼa naq tixkʼe xkawilal xchʼoolebʼ li hermaan aʼin ut tixtenqʼahebʼ re naq inkʼaʼ teʼxuwaq (Isa 41:10-13). Joʼkan ajwiʼ, tootzʼaamanq chirixebʼ li nekeʼtaqlank saʼ li tenamit re naq tooʼeʼxkanabʼ chi puktesink, ut chi joʼkan «wanqo saʼ xyaalalil ut saʼ tuqtuukilal» (1Ti 2:1, 2).

Naq laj Pablo ut laj Pedro keʼrahobʼtesiik, ebʼ li rech aj paabʼanel keʼtijok chirixebʼ ut keʼyaabʼasiik xkʼabʼaʼ chixjunqalebʼ (Hch 12:5; Ro 15:30, 31). Ut laaʼo, usta inkʼaʼ naqanaw xkʼabʼaʼ chixjunilebʼ li yookebʼ chi rahobʼtesiik, tooruuq xyaabʼasinkil xkʼabʼaʼ li chʼuut, li tenamit malaj li teep li wankebʼ wiʼ.

Tzʼiibʼa ebʼ li tenamit bʼarwiʼ yookebʼ chi rahobʼtesiik ebʼ li qech aj paabʼanel ut tatruuq chi tijok chirixebʼ.