Li choxahil awabʼej tʼosobʼtesinq re li Ruuchichʼochʼ

41 Li Jehobʼa kixkʼe choʼq Awabʼej li Jesus saʼ choxa. —Isaías 9:6; Daniel 7:13, 14; Hechos 2:32-36

42 Aʼan tʼawabʼejinq saʼ xbʼeen chixjunil li Ruuchichʼochʼ. —Daniel 7:14; Mateo 28:18

43 Ma najultikoʼk aawe li tchalq saʼ xbʼeenebʼ li maaʼusebʼ xnaʼlebʼ? —Salmo 37:9, 10; Lucas 13:5

44 Ma najultikoʼk aawe li xkʼabʼaʼ li xbʼeen anjel li kimaakobʼk? Li Jesus tixsach li anjel aʼin ut li maaʼusebʼ anjel. Ebʼ li xpechʼbʼil yos ut ebʼ li xjalam u teʼosoʼq. —Hebreos 2:14; Apocalipsis 20:2, 10

45 Li Jesus tixbʼaanu naabʼal li kʼaʼaq re ru chaabʼil choʼq rehebʼ li nekeʼpaabʼank. —Hebreos 5:9

46 Inkʼaʼ chik twanq yajel. —Isaías 33:24; Apocalipsis 22:1, 2

Ma najultikoʼk aawe naq li Jesus kixkʼirtasihebʼ li yaj?

47 Chixjunilebʼ li poyanam teʼwanq xchaabʼil echej.—Isaías 65:17, 21-23

48 Li Yos najultikoʼk re li ak keʼkamk. Tixbʼaanu naq li Jesus tixkʼe xyuʼamebʼ wiʼ chik. Aʼin li waklijik wiʼ chik chi yoʼyo xkʼabʼaʼ. —Juan 5:28, 29; 11:25

49 Naq ak osoʼjenaqebʼ chik li maaʼusebʼ xnaʼlebʼ, maaʼani chik tkamq. Chi moko ebʼ li josq aj xul xuwajelebʼ ta chik ru. Chixjunilebʼ li poyanam sahaqebʼ saʼ xchʼool chi junelik. —Apocalipsis 21:4; Isaías 65:25; Salmo 37:11, 29