«Inkʼaʼ nawank saʼ rochoch!»

Maare naqaye li aatin aʼin naq inkʼaʼ chik naqataw junaq li qas qiitzʼin li xwulak chiru rabʼinkil li Raatin li Yos. Usta rajlal nokooxik xsikʼbʼalebʼ, chʼaʼaj chik chiqu xtaqresinkil chaq riyajil li yaal (1 Cor. 3:6). Kʼaru raj us xbʼaanunkil? Wankebʼ laj puktesinel nekeʼxtzʼiibʼa junaq li esilhu malaj yal tiikil hu ut nekeʼxkanabʼ saʼ rokebʼaal li ochoch. Abʼan wankebʼ nekeʼxpatzʼ xnumril li xselular li qas qiitzʼin xbʼaan naq nekeʼxnaw naq wank sut inkʼaʼ chik nekeʼxtaw saʼ rochoch. Ut maare nekeʼxye: «Ma naru tintaqla junaq laamensaje?». Naq tqakʼe wiʼ chik li esil, tento tqajla, usta li esil yal tqakanabʼ saʼ esilhu, saʼ tiikil hu, saʼ korreo, saʼ mensaje malaj tqabʼoq saʼ selular. Ut chi joʼkan, usta inkʼaʼ tqataw saʼ rochoch, yooqo xkawresinkil xchʼool rikʼin li yaal.