Tzol chiʼus li puktesink: Oksi li selular re xkʼutbʼal li yaal

KʼAʼUT US XBʼAANUNKIL. Naq naqoksi li selular re puktesink, nokooruuk «xyeebʼal resil li xChaabʼil Esil» li Yos (Hch 20:24, SBG).a Chi joʼkan nokooruuk chi puktesink rikʼinebʼ li poyanam naq inkʼaʼ nokooruuk chi wulak saʼ rochochebʼ.

CHANRU XBʼAANUNKIL

• 

  Kawresi aawibʼ. Sikʼ junaq li chaabʼil naʼlebʼ. Tojaʼ naq taatzʼiibʼa bʼayaq li taaye. Naru ajwiʼ taakawresi aawibʼ re xnawbʼal kʼaru taaye wi inkʼaʼ tateʼxsume. Us naq wanq saʼ li meex li chʼina hu li xaatzʼiibʼa ut li tkʼanjelaq chaawu, joʼ junaq li kʼanjelobʼaal bʼarwiʼ teetooq JW Library^® malaj jw.org^®.

• 

  Matsiksotk. Aatinan joʼ kʼaynaqat xbʼaanunkil. Seʼseʼaq aawu ut kʼoxla naq yookat rilbʼal li poyanam. Maakʼe naabʼal xyanqil laawaatin wi inkʼaʼ aajel ru. Us wi tatxtenqʼa junaq chik laj puktesinel. Wi tixbʼaanu junaq li patzʼom, taaye saʼ kawil kuxej re naq laj puktesinel trabʼi ut tatxtenqʼa chi xsumenkil.

• 

  Sikʼ chanru rulaʼaninkil wiʼ chik. Wi traj xnawbʼal xkomon chik li naʼlebʼ, bʼaanu junaq li patzʼom re naq taasume saʼ junaq chik kutan. Naru taayeechiʼi re junaq li hu li tatruuq xtaqlankil saʼ korreo, saʼ Internet malaj taakanabʼ chaq re. Tatruuq ajwiʼ xtaqlankil saʼ li xselular malaj saʼ li xkorreo junaq li bʼideo malaj junaq li naʼlebʼ. Ut wi naruhank, taaye re, naq truuq rilbʼal li qanaʼaj saʼ Internet.