QATZOLAQ CHANRU TOOKʼUTUQ CHIʼUS | TAW XKOMON XSAHIL AACHʼOOL SAʼ LI XKʼANJEL LI YOS
Oksi ebʼ li eetalil naq tatkʼutuq
Naq naqulaʼanihebʼ li poyanam malaj naqakʼehebʼ xtzolbʼal, tento tqatenqʼahebʼ chi xtawbʼal ru li xnimal ru naʼlebʼ. Wi tqoksi ebʼ li eetalil, toowulaq saʼ xchʼoolebʼ ut teʼxjultika li xeʼxtzol.
Naq yooqat xkawresinkil aawibʼ re rulaʼaninkil junaq li poyanam malaj re xkʼebʼal xtzolbʼal sikʼ ebʼ li xninqal ru naʼlebʼ ut maakʼe xwankil li moko aajel ta ru. Moqon taasikʼ li eetalil chirix li nakʼulmank rajlal kutan (Mt 5:14-16; Mr 2:21; Lu 14:7-11). Wanq saʼ laachʼool li ak naxnaw ut li xwanjik (Lu 5:2-11; Jn 4:7-15). Tsahoʼq saʼ laachʼool naq li poyanam tixtaw ru li xaakʼut chiru.
NAQ AK XAAWIL LI BʼIDEO LI SAHIL CHʼOOLEJIL RE XTZOLBʼALEBʼ LI POYANAM. QATZOLAQ CHIʼUS CHANRU TOOKʼUTUQ: QOKSIHAQ EBʼ LI EETALIL NAQ TOOKʼUTUQ, TAASUME EBʼ LI PATZʼOM AʼIN:
Kʼaʼut wank sut tento tqatenqʼahebʼ chi xtawbʼal ru junaq xraqal li Santil Hu?
Kʼaru li eetalil kiroksi li xRita re xchʼolobʼankil Romanos 5:12?
Li eetalil li kʼoxlanbʼilebʼ chiʼus twulaq saʼ xchʼoolebʼ.
Kʼaʼut ebʼ li chaabʼil eetalil naxtenqʼahebʼ li poyanam?
Kʼaʼut tento tqoksi ebʼ li bʼideo ut ebʼ li kʼanjelobʼaal re kʼutuk li naxkʼe li qamolam?