Beto Takabula Réveillez-vous! Mosi ya Sipesiali na Novembri!
1 Bantu mingi kevandaka ti bangyufula ya masonga na yina metala mfunu ya Biblia. Kana kele bantu kusonikaka yo, sambu na nki kubinga yo Ndinga ya Nzambi? Sambu na nki beto fwete tudila yo ntima na kutwadisa beto? Inki mambote beto tabaka kana beto kelutisa ntangu mpi kesala kikesa sambu na kutanga mpi kulonguka Biblia? Inki mbalula ya Biblia mu fwete sadila? Yai kele mwa bangyufula yina Réveillez-vous ! ya sipesiali ya Novembri kepesa bamvutu. Yo kele na ntu-dyambu “ Pouvez-vous avoir confiance en la Bible ? “
2 Mpusa na beto kele ya kukabula mingi Réveillez-vous ! yai ya sipesiali na teritware na beto. Kana mpila kele, sala kisalu ya nzo na nzo kumosi ti dibundu konso Mposo na ngonda ya Novembri. Songa nimero yai ya Réveillez-vous ! na bampangi na nge, bantu ya nzyunga na nge, bantu ya nge kesalaka ti bo, balongi, banduku ya nzo-nkanda, mpi vutukila bo. Nataka yo ntangu nge kekwenda kusumba bima mpi ntangu nge kesala vwayaze. Bankuluntu fwete lomba bakopi yankaka na mpila nde dibundu kuvanda ti yo mingi.
3 Yantika Kulonguka Biblia ti Muntu: Kana nge mebikila muntu zulunalu yai, na ntwala ya kusukisa disolo ti yandi, nge lenda tula fondasio sambu na kulonguka ya Biblia. Mu mbandu, nge lenda tuba nde: “Na mbala ya kekwisa, mu tazola kusonga nge mvutu yina Biblia kepesa na ngyufula yai, ‘Lukanu ya Nzambi Sambu na Ntoto Kele Inki?’ ” Na nima, vutukila yandi ti mukanda Biblia Kelongaka mpi songa yandi balutiti 4-5, to tadila ti yandi baparagrafe 1-3 ya kapu ya 3. To nge lenda tuba nde, “Na mbala ya kekwisa, mu tazola kusolula ti nge na yina metala bambikudulu ya Biblia yina ke na kulungana ntangu yai.” Ntangu nge tavutukila yandi, songa yandi kapu ya 9 ya mukanda mpi beno tadila baparagrafe 1-3. To nge lenda tuba kaka nde: “Bantu mingi kemonaka mpasi na kubakisa mambu yina bo ketangaka na Biblia. Na mbala ya kekwisa, mu tazola kusonga nge mutindu nge lenda bakisa Biblia na nge mbote mpenza.” Ntangu nge tavutukila yandi, songa yandi mukanda Biblia Kelongaka, mpi monisa yandi mutindu ya kulonguka.
4 Kaka Biblia mpamba kele masonama ya santu yina lenda pesa beto “mayele yina ta gulusa” beto. (2 Tim. 3:15) Yo yina, beto yonso tazola kukabula na kikesa yonso nimero yai ya spesiali ya Réveillez-vous ! sambu na kusadisa bantu na kutula ntima na Biblia.