Beto Yedisa Mayele na Beto na Kisalu ya Kusamuna—Beto Yantika Kulonguka Biblia ti Bantu na Nsadisa ya Mukanda Biblia Kelongaka

Mfunu na Yo: Bantu mingi lenda bakisa beto ve kana beto zabisaka bo nde beto ke longukaka Biblia ya ofele ti bantu. Bo lenda yindula nde bo fwete kota na kimvuka mosi ya kulonguka Biblia to nde beto ta sonikilaka bo mikanda sambu na kutindila bo mambu yina bo ta longukaka. Na kisika ya kulomba bo na kuyantika kulonguka Biblia, sambu na nki ve kulonguka ti bo mbala mosi? Na minuta fioti, ata na ntwala ya kielo, nge lenda songa muntu nde kulonguka Biblia kele mpasi ve mpi yo ta sadisa yandi na kuzaba mambu mingi.

Mutindu ya Kusala Yo:

Na nima ya kuzabisa muwi zina na nge, yula yandi kana yandi ke kudiyangisaka sambu na bilumbu ya ke kwisa.
Zabisa yandi nde bantu mingi ke kudiyangisa sambu na mambu ya mutindu ya mosi mpi songa yandi lutiti ya 2 ya mukanda Biblia Kelongaka. Zabisa yandi nde malongi ya mukanda yai kele mpasi ve na kubakisa. Yo ke monisa mambu yina Biblia ke longaka sambu na bilumbu ke kwisa mpi mambu ya nkaka. Na nima, lomba yandi na kupona kapu mosi ya ke sepedisa yandi.
Pesa yandi mukanda mpi twadisa yandi na kapu ya yandi me pona. Zabisa yandi nde bo me pesa bamvutu ya bangiufula yina kele na luyantiku ya kapu na baparagrafe ya ke landa.
Lomba muwi na kutanga paragrafe ya ntete kana yandi me zola. Na nima, tanga ngiufula ya paragrafe yango mpi beno tadila mvutu kumosi. Beno tanga mpi beno tubila baverse ya ke wakana ti mvutu ya bo me vutukila ve bangogo na yo na paragrafe. Songa yandi mpi mutindu nge tendaka mvutu na mukanda na nge.
Beno tadila paragrafe ya me landa. Kansi ntangu yai, lomba muwi na kupesa mvutu na bangogo na yandi.
Sikisa yandi mpi baka bangidika ya kuvutukila yandi sambu na kumanisa dilongi yango.
Kana mpila kele, songa yandi video Inki Mutindu Kulonguka ya Biblia Ke Salamaka? ya kele na jw.org.

Sadila Yo Ngonda ya Mvimba:

Samba Yehowa sambu yandi sakumuna bikesa na nge ya kuyantika kulonguka Biblia ti muntu.—Bafi. 2:13.
Yantika kulonguka Biblia ti muntu na nsadisa ya mukanda Biblia Kelongaka, to songa yandi video Inki Mutindu Kulonguka ya Biblia Ke Salamaka? mbala mosi ntangu nge ke sala kisalu ya kusamuna.