Inki Nge Lenda Tuba na Ntwala ya Kupesa Baperiodike

(Sadila periodike ya Kifalansa kana yo kele ve na Kikongo)

Nzozulu ya Nkengi Yuni 1

“Bantu mingi ketalaka oroskope na bo na ntwala ya kubaka badesizio. Keti nge keyindula nde bambwetete kevandaka ti bupusi na luzingu na beto? [Bika muntu yango kupesa mvutu.] Yo kele kyese na kumona nde, Biblia ketubilaka kimvuka ya bambwetete ya zodiake. [Tanga 2 Bantotila 23:5, NW.] Disolo yai kemonisa dibanza ya Biblia.” Tubila disolo ya keyantika na lutiti 18.

Reveillez-vous! Yuni

“Mbala mingi banzo-Nzambi kelombaka mbongo sambu na mbotika, makwela, mpi diskure ya kuzika mvumbi. Keti nge keyindula nde yo kele mbote? [Bika muntu yango kupesa mvutu.] Tala bantuma yai ya Yezu kupesaka balongoki na yandi. [Tanga Matayo 10:7, 8b.] Disolo yai kemonisa mambu yina Biblia ketuba na yina metala kufutisa mbongo sambu na mambu ya lusambu.” Tubila disolo ya keyantika na lutiti 22.

Nzozulu ya Nkengi Yuli 1

“Bantu mingi kebingaka Nkwa-Ngolo Yonso kaka nde Nzambi. Kansi, keti nge mezaba nde Biblia kezabisaka beto zina ya Nzambi? [Bika muntu yango kupesa mvutu. Na nima tanga Yezaya 42:8a, NW.] Zulunalu yai ketendula sambu na nki bo mekatulaka zina ya Nzambi na bambalula yankaka ya Biblia mpi kuzaba Nzambi na zina na yandi ketendula inki.”

Reveillez-vous! Yuli

“Mambu ya mbongo menataka basusi mingi. Bantu yina kele ve ti kisalu kevandaka na basusi, mpi bayina kele ti kisalu kekudiyangisaka na yina metala kuvidisa kisalu na bo. Keti nge keyindula nde yai kele ndongisila ya mbote ya lenda sadisa beto na kunwana ti dyambu yai? [Tanga Matayo 6:34. Na nima bika muntu yango kupesa mvutu.] Zulunalu yai kepesa bandongisila ya mfunu ya kemonisa mutindu ya kusadila mbongo na beto mbote mpi ya kuyala mawi na beto.”