Keti Nge Lenda Lomba Bo na Kusamuna ti Nge?

Na mabundu mingi, bansamuni ya nkaka ke samunaka mingi ve sambu na maladi yina ke manaka ve to sambu na kimununu. (2 Bak. 4:16) Keti nge lenda lomba mpangi mosi na kati ya bampangi yai na kusamuna ti nge ntangu nge ke longuka Biblia ti muntu? Kana nsamuni yango ke kuka ve kutambula, nge lenda nata longoki ya Biblia na nzo na yandi sambu beno longuka kuna. Keti bantangu ya nkaka nge lenda baka bangidika sambu na kubasika ti nsamuni mosi ya kele ti kifu na nitu na kisalu ya nzo na nzo, mpi kusala ata banzo fioti to keti beno lenda vutukila ata muntu mosi to bantu zole? Bansamuni mingi ya minunu ke vandaka ti eksperiansi mingi na kisalu ya kusamuna. Kana nge sala ngolo sambu na kubasika ti bo, nge ta pesa bo kikesa, mpi nge ta baka mambote ya mingi. (Bar. 1:12) Diaka, Yehowa ta sakumuna bikesa ya nge ke sala sambu nge ke monisa zola ya mutindu yina.—Bing. 19:17; 1 Yoa. 3:17, 18.