“Zola yina Kristu kele na yo ke yalaka beto.”—2Bk 5:14
ZINGA MUTINDU BAKRISTU FWETE ZINGA
Nge Ta Vanda Mupasudi-Nzila Nsadisi na Marsi to na Aprili?
Nge ta zola kusala mingi na kisalu ya Yehowa ntangu beto ta Yibuka Lufwa ya Yezu? (2Bk 5:14, 15) Na Ngonda ya Marsi mpi ya Aprili, bampangi yina ta sala kisalu ya kimupasudi-nzila nsadisi lenda pona na kusala bangunga 30 to 50 konso ngonda sambu na kulonga nsangu ya mbote. Kana nge ta kuka kulungisa bangunga yina na kisalu yai ya mfunu mingi, fulusa formilere mpi pesa yo na bampangi ya Komite ya Kisalu ya Dibundu na beno. Konso ngonda, bo ta pesaka luzayisu na dibundu mpi ta tangaka bazina ya bampangi yina Komite yai ta ndima na kuvanda bapasudi-nzila nsadisi. Mpidina, bampangi na dibundu lenda sadisa bampangi yina sambu bo lungisa bangunga na bo. Bampangi mingi na kati na beto ke sadilaka mbote mabaku yina bo ke vandaka ti yo ntangu beto Ke Yibukaka Lufwa ya Yezu sambu na kuyedisa mayele na bo na kisalu ya kulonga nsangu ya mbote mpi kupesana kikesa.—1Te 5:11.