Hihi no Ũmateithĩrĩrie?

Thĩinĩ wa ciũngano nyingĩ, kũrĩ ahunjia matahotaga kũhunjia mathaa maingĩ nĩ ũndũ wa mathĩna ma mwĩrĩ kana ũkũrũ. (2 Kor. 4:16) Hihi no ũũrie mũhunjia ũrĩ na thĩna ta ũcio agũtware mũgathome na mũrutwo waku wa Bibilia? Angĩkorũo mũhunjia ndahotaga kuuma mũciĩ-rĩ, no ũbange mũthiĩ mũgathomere kuo na mũrutwo waku. Hihi no ũbange gũthiaga na mũhunjia ũcio ũrĩ na thĩna wa mwĩrĩ kũhunjia nyũmba ciigana ũna kana gũcokera mũndũ ũmwe kana erĩ? Ahunjia aingĩ arĩa akũrũ nĩ makoragwo na ũmenyeru mũnene ũtungata-inĩ. Gwĩka ũguo nĩ kũrĩmekagĩra ngoro, na gũgakũguna o nawe. (Rom. 1:12) Makĩria ma ũguo, Jehova nĩ egũkũrathima nĩ ũndũ wa kĩyo gĩaku gĩa kuonania wendo na njĩra ĩyo.​—Thim. 19:17; 1 Joh. 3:​17, 18.