Trakti, Ndũmĩrĩri ya Ũthamaki Na. 38 Ĩkaaheanwo Novemba!
1. Andũ makoragwo na ciũria irĩkũ ciĩgiĩ arĩa makuĩte, na ciũria icio igaacokio atĩa mweri-inĩ wa Novemba?
1 Gĩkuũ nĩ thũ ya andũ othe, gũtekũmakania ũrĩa metĩkĩtie. (1 Kor. 15:26) Andũ aingĩ nĩ marigagwo kũrĩa akuũ mathiaga na kana hihi nĩ makaamona rĩngĩ. Nĩ ũndũ ũcio, ciũngano ciothe thĩinĩ wa thĩ nĩ igaakorũo na kambĩini ya mweri ũmwe ya kũheana trakti, Ndũmĩrĩri ya Ũthamaki Na. 38, ĩrĩ na kĩongo, Hihi Arĩa Makuĩte no Macoke Muoyo? Kambĩini ĩyo ya mwanya ĩkaambĩrĩria Novemba 1. Thutha wa kambĩini ĩyo, trakti, Ndũmĩrĩri ya Ũthamaki Na. 38, nĩ ĩkaahũthagĩrũo ũtungata-inĩ.
2. Trakti, Ndũmĩrĩri ya Ũthamaki Na. 38, ĩthondeketwo atĩa?
2 Ũrĩa Ĩthondeketwo: Trakti, Ndũmĩrĩri ya Ũthamaki Na. 38, ĩthondeketwo ĩkũnjwo ĩrũngiĩ ũndũ mwena wa mbere ũkuonania kĩongo kĩngĩguucĩrĩria mũndũ o hamwe na ciugo, “Hihi ũngiuga . . . ĩĩ? aca? no gũkorũo?” Mũthomi ahumbũria trakti ĩyo, nĩ ekuona ũrĩa Bibilia ĩcokagia kĩũria kĩrĩa arĩ kĩo kĩongo kĩayo, na ũrĩa kĩĩranĩro kĩa Bibilia harĩ arĩa makuĩte kĩngĩmũguna. Ningĩ nĩ ekuona itũmi iria ingĩtũma etĩkie Bibilia. Mwena wa na thutha wa trakti ĩyo ũrĩ na kĩũria kĩega angĩĩcũrania ũhoro wakĩo na kĩngĩmũgucĩrĩria ende kũmenya makĩria.
3. Trakti, Ndũmĩrĩri ya Ũthamaki Na. 38, ĩkaaheanwo atĩa?
3 Ũrĩa Ĩkaaheanwo: Kambĩini ĩno ĩgaakorũo ĩhaanaine na ĩrĩa tũkoragwo nayo hĩndĩ ya Kĩririkano na hĩndĩ ya kĩrũrũngano kĩa ngʼongo. Athuri a kĩũngano nĩ makaabanga ũrĩa trakti ĩyo ĩkaaheanwo gĩcigo-inĩ kĩao gĩothe, kũringana na marũa marĩa maatũmĩirũo ma Ĩpuro 1, 2013. Ciũngano iria ikoragwo na icigo nini no ciĩrutĩre gũteithia ciũngano iria ikoragwo na icigo nene. Ũkĩoya trakti ciaku, oya o iria ũkũhota kũheana kiumia-inĩ kĩu. Hĩndĩ ya kambĩini ĩyo, trakti icio no iheanwo kũndũ kwa mũingĩ thutha wa kũrĩkia gũciheana nyũmba kwa nyũmba. Angĩkorũo nĩ mũgaaciheana ciothe mweri ũtathirĩte, mwagĩrĩirũo kũheana kĩrĩa kĩagĩrĩirũo kũheanwo Novemba. Njuuma ya mbere ya mweri ũcio, tũkaanyitanĩra kambĩini-inĩ ĩyo ya mwanya handũ ha kwambĩrĩria kwĩruta Bibilia na andũ. Mĩthia-inĩ ya kiumia, nĩ tũkaaheana ngathĩti tũngĩona kwagĩrĩire. Hihi nĩ wĩhaarĩirie gũkaanyitanĩra biũ kambĩini-inĩ ĩyo?