Marute Gũtungatagĩra Jehova Mategũtigithĩria

Nĩ kuonekete atĩ ahunjia erũ arĩa marutagwo gũtuĩka ahunjia marĩ na kĩyo na kũhunjagia mategũtigithĩria kuuma o mambĩrĩria kũhunjia, nĩ magĩaga na moimĩrĩro mega. (Thi 22:6; Afi 3:16) Maya nĩ maũndũ mamwe ũngĩhũthĩra nĩguo ũteithie mũrutwo kũgĩa na kĩambĩrĩria kĩega ũtungata-inĩ:

• Mũrutwo waku etĩkĩrĩka gũkorũo arĩ mũhunjia, ambĩrĩria kũmũruta kũhunjia o rĩo. (km 8/15 1) Muonie bata wa kũgĩaga na ihinda rĩa kũhunjia o kiumia. (Afi 1:10) Ũkĩaria ũhoro wa gĩcigo kĩrĩa mũhunjagia, gwetaga maũndũ marĩa mega. (Afi 4:8) Mwĩkĩre ngoro ahunjagie na mũrori wa gĩkundi o hamwe na ahunjia arĩa angĩ nĩguo erute kuuma kũrĩ o. —Thi 1:5; km 10/12 6 kĩb. 3

  

• Mũrutwo waku abatithio, ndũgatige kũmwĩkĩra ngoro kana kũmũruta kũhunjia, makĩria angĩkorũo ndarĩkĩtie kwĩruta ibuku rĩa “Wendo wa Ngai.”​—km 12/13 7

  

• Hũthĩra njĩra hũthũ rĩrĩa mũrahunjia na mũhunjia mwerũ. Thutha wa kũigua ũrĩa arahunjia, mũgathĩrĩrie kuuma ngoro. Mũgwetere maũndũ marĩa angĩka nĩguo ahote kũhunjia wega makĩria.​—km 5/10 7